Zitondezyo Zyacikozyanyo

Kutalisya Ziiyo zya Bbaibbele Mubuzuba bwa Mujibelo Bwakusaanguna mu June

“Bunji bwabantu mbotubandika abalo bayanda kubona kuti munyika kuli luumuno. Pele nkondo nkozicili. Ino muyeeya kuti nkaambo nzi ncocikatazya kuba aluumuno munyika?” Amulindile bwiinguzi. Mpoonya amubatondezye peeji yamamanino ya Ngazi Yamulindizi ya June 1, kumane amulange-lange antoomwe twaambo tuli ansi aamubuzyo wakusaanguna alimwi alugwalo lomwe lutazubulwidwe. Amumwaabile mamagazini, alimwi akupangana kuti mukapilukile kuzoobandika mubuzyo uutobela.

Malailile: Citondezyo eeci ceelede kucitwa lyamuswaangano wamulimo wamumuunda mu June 1.

Ngazi Yamulindizi June 1

“Tuyabuswaya bantu mucilawo kutegwa tubandike ambabo kujatikizya penzi lidumide kapati. Bunji bwabantu bakacimvwa kale mbocibede kusalululwa. Sena muyeeya kuti kuli busena bumwi munyika kutakwe lusalululo? [Amulindile bwiinguzi.] Amubone Leza mbwababona bantu boonse. [Amubale Milimo 10:34.] Magazini eeyi ilatondezya Leza mbwayoolimana cakumaninina penzi lyakusalululana.”

Sinsimuka! June

“Tuyanda kumvwa mbomuyeeya kujatikizya cintu cimwi. Tacigambyi pe kuyanda kuba abuumi bubotu. Sena muyeeya kuti tulakonzya kuba abuumi bubotu kwiinda mukuba azyintu zinji zyakumubili? [Amulindile bwiinguzi.] Amubone kaambo aaka kayandika kapati nkaakaamba Jesu. [Amubale Luka 12:15] Magazini eeyi ilatondezya mbotweelede kulanga zyintu zyakumubili munzila iiluzi alimwi ambotukonzya kwaabelesya kabotu mali eesu.”