Zitondezyo Zyacikozyanyo

Kutalisya Ziiyo zya Bbaibbele Mubuzuba bwa Mujibelo Bwakusaanguna mu October

“Tuyaabuswaya basimukoboma kwaciindi cisyoonto buyo. Bantu banji mbotwabandika ambabo baamba kuti cintu cakabayumina kapati mubuumi bwabo nkufwidwa muyandwa wabo. Sena anywebo mbomulimvwa oobo? [Amulindile bwiinguzi.] Mebo icakandiyumya-yumya nceeci.” Amubatondezye Ngazi Yamulindizi ya October 1 nkoili kunze, mpoonya mubandike ambabo makani aajatikizyidwe mumubuzyo wakusaanguna alimwi alugwalo lomwe lubikkidwe. Amubaabile mamagazini, alimwi akupangana kuti mukapilukile kuyoolanga-langa mubuzyo uutobela.

Ngazi Yamulindizi October 1

“Tuyaabuswaya kwaciindi cisyoonto kuyaabukulwaizya bantu kubala Bbaibbele. Tulizyi kuti bamwi bantu balayanda kumvwa ncolyaamba Bbaibbele, pele bamwi tabayandi. Ino nywebo mulimvwa buti? [Amulindile bwiinguzi.] Amumvwe ncolyaamba Bbaibbele. [Amubale 1 Batesalonika 2:13.] Ndisyoma kuti andinywe mulazumina kuti, ikuti Bbaibbele kalili bbuku lizwa kuli Leza, nkokuti lyeelede kubalwa. Magazini eeyi ilapandulula mubufwaafwi Bbaibbele ncolyaamba alimwi ancotweelede kutondezya luyandisisyo mulindilyo.”

Sinsimuka! October

“Ndiyanda kumvwa mbomuyeeya kujatikizya mubuzyo ooyu: Sena tulakonzya kukkomana mubuumi kuti katutajisi zyintu zinji? [Amulindile bwiinguzi.] Amubone ncolyaamba Bbaibbele. [Amubale 1 Timoteyo 6:⁠8.] Magazini eeyi ilatondezya mbotweelede kuzilanga munzila iiluzi zyintu zyakumubili alimwi ilabandika zyintu zyotatwe zitakonzyi kuulwa amali.”