Zitondezyo Zyacikozyanyo

Kutalisya Ziiyo zya Bbaibbele Mubuzuba bwa Mujibelo Bwakusaanguna mu October

“Bantu banji baamba kuti Bbaibbele ndibbuku buyo lijisi busongo bwabantu. Ino nywebo muyeeya buti? [Amulindile bwiinguzi mpoonya mubale 2 Petulo 1:19-21.] Businsimi buli mu Bbaibbele butugwasya kusinizya kuti Bbaibbele lyakasololelwa amuuya. Cibalo caciloba mumagazini eeyi cilatondezya businsimi bwamu Bbaibbele bwakazuzikizyigwa kale.” Amwaabile magazini alimwi amupangane kutegwa mukapilukile kuzootondezya mbocicitwa ciiyo ca Bbaibbele.

Ngazi Yamulindizi July–September

“Mumasena manji aamunyika, kuli bantu bayeeya kuti balakonzya kwaambaula abasazinyina bakafwa. Sena muyeeya kuti kuli cilubide mukucita boobo? [Amulindile bwiinguzi.] Amubone Leza ncaamba kujatikizya makani aaya. [Amubale Deuteronomo 18:10-12a.] Cibalo eeci cilatondezya kuti kwiinda mukuba aluzyibo lwakasimpe kujatikizya ciimo cabantu bafwide tulakonzya kulikwabilila kukweenwa.” Amulange cibalo cili apeeji 10 mpoonya mwaabile magazini.

Sinsimuka! July–September

“Mwaka amwaka mamiliyoni aabantu munyika balaciswa akaambo kakulya zyakulya zitali kabotu. Mukuyeeya kwanu, sena zyakulya zyamucilawo cesu zili kabotu? [Amulindile bwiinguzi.] Magazini eeyi ilapandulula nzila zyone mbotukonzya kukwabilila mukwasyi wesu kumalwazi aaboola kwiinda mukulya zyakulya zitali kabotu. Alimwi ilapandulula cisyomezyo camu Bbaibbele cakuti ino-ino uuli woonse uyakuba acakulya cinji cijisi busani bubotu.” Amubale Intembauzyo 104:14, 15.