Citondezyo Cacikozyanyo

Kutalisya Ziiyo zya Bbaibbele Mubuzuba bwa Mujibelo Bwakusaanguna mu October

“Kweelana ancolyaamba Bbaibbele, Leza ujisi makanze kujatikizya nyika. Sena kuli nomwakalibuzyide kale makanze ngajisi Leza kujatikizya nyika?” Amulindile bwiinguzi. Mwamana amumupe mwiniŋanda Ngazi Yamulindizi ya July-September alimwi amubale akubandika twaambo tuli ansi aakatwe kamakani kakusaanguna kali apeeji 12 alugwalo lomwe lubikkidwe. Amwaabile mamagazini, akupanga bubambe bwakupilukila kuzoobandika mubuzyo uutobela.

Ngazi Yamulindizi July–September

Amubale Intembauzyo 37:10, 11. Mpoonya amwaambe kuti: “Sena muyeeya kuti cisyomezyo eeci ciyoozuzikizyigwa ino-ino? [Amulindile bwiinguzi.] Magazini eeyi ilaamba businsimi bwamu Bbaibbele buli cisambomwe mbomubona kabuzuzikizyigwa, businsimi butondezya kuti kusyeede ciindi cisyoonto kuti cisyomezyo eeci cizuzikizyigwe.”

Sinsimuka! July–September

“Sena inga mwazumina kuti kufwidwa muyandwa ncimwi cazyintu zicisa kapati muntu nzyakonzya kucitikilwa? [Amulindile bwiinguzi.] Banji bagwasyigwa alulayo oolu. [Amubale Intembauzyo 55:22.] Magazini eeyi ilaamba nzila zimwi zigwasya kucesya buumba, kubikkilizya ambotukonzya kubikka mapenzi eesu mumaanza a Leza.”