Zitondezyo Zyacikozyanyo

Kutalisya Ziiyo zya Bbaibbele Mubuzuba bwa Mujibelo Bwakusaanguna mu November

“Bantu banji basyoma kuti bumwi buzuba Leza uyakubabeteka kweelana amicito yabo. Sena muyeeya kuti buzuba bwalubeta ncintu ncomukonzya kulangila naa kuyoowa? [Amulindile bwiinguzi.] Amubone caambwa aawa.” Amumupe mukamwiniŋanda Ngazi Yamulindizi ya October–December, alimwi amubale antoomwe twaambo tuli ansi aakatwe kajanika apeeji 16 alimwi amubale lugwalo lomwe. Amwaabile magazini, alimwi amupange bubambe bwakupiluka kuyoobandika mubuzyo uutobela.

Ngazi Yamulindizi October–December

Amubale Intembauzyo 65:2. Mpoonya amwaambe kuti: “Bantu banji balakazumina kaambo aaka kakuti, ‘Leza nguuswiilila mipailo,’ alimwi balapaila buzuba abuzuba. Pele bantu bamwi balabuzya kuti, ‘Kuti naa Leza nkwali, nkaambo nzi ncokuli mapenzi manji munyika?’ Ino muyeeya buti? Sena nkwali Leza uuswiilila mipailo yesu? [Amulindile bwiinguzi.] Magazini eeyi ipandulula bwiinguzu bwamu Bbaibbele kumubuzyo ooyu: ‘Ino nkaambo nzi sikuswiilila mipailo ncalekelede kupenga?’”

Sinsimuka! October–December

“Mazubaano, bantu banji balayoowa kweenda balikke, kwaambisya ikuti naa kwasiya. Sena muyeeya kuti kuli cikonzya kucitwa munyika eeyi kutegwa bugwebenga buceye? [Amulindile bwiinguzi.] Magazini eeyi ilabandika zyintu zimwi nzyotukonzya kucita toonse kutegwa tube basiluumuno abantu bamwi. Alimwi ilabandika mbobuyoozuzikizyigwa businsimi oobu bukulwaizya.” Amubale Intembauzyo 72:7.