Citondezyo Cacikozyanyo

Kutalisya Ziiyo zya Bbaibbele Mubuzuba bwa Mujibelo Bwakusaanguna mu August

“Sena kuli nomwakalibuzyide kale kujatikizya kaambo Leza ncalekelede bubi akupenga? [Amulindile bwiinguzi.] Ndiyanda kumutondezya makani amwi aakkomanisya kujatikizya kaambo aaka.” Amubale antoomwe majwi aali munsi aakatwe kamatalikilo apeeji 16 mu Ngazi Yamulindizi ya July-September alugwalo lomwe lutazubulwidwe. Amwaabile mamagazini akupanga bubambe bwakupilukila kutegwa mukaingule mubuzyo uutobela.

Ngazi Yamulindizi July–September

Amubale Intembauzyo 37:10, 11. Mpoonya amubuzye kuti: “Sena muyeeya kuti cisyomezyo eeci ciyoozuzikizyigwa lino-lino? [Amulindile bwiinguzi.] Magazini eeyi ilapandulula businsimi busiyene-siyene buli cisambomwe buli mukuzuzikizyigwa, businsimi ibutondezya kuti kuzuzikizyigwa kwacisyomezyo eeci takukamuki pe.”

Sinsimuka! July–September

“Sena mulazumina kuti kusweekelwa muyandwa mulufwu ncintu cikatazya kapati mubuumi bwamuntu? [Amulindile bwiinguzi.] Banji bagwasyigwa alulayo oolu. [Amubale Intembauzyo 55:22.] Eeyi magazini ilapandulula nzila zikonzya kutugwasya kutegwa tuliyumye ciindi muyandwa wesu naafwa, alimwi ilapandulula mbotukonzya kubikka mukuli wesu mumaanza aa Leza.”