Zitondezyo Zyacikozyanyo

Kutalisya Ziiyo zya Bbaibbele Mubuzuba bwa Mujibelo Bwakusaanguna mu August

“Bantu boonse balapaila aciindi cimwi. Nobaba bantu batasyomi kuti Leza nkwali balapaila ciindi nobali mumapenzi. Sena muyeeya kuti Leza ulaiswiilila mipailo yoonse?” Amulindile bwiinguzi. Mpoonya amubatondezye peeji yamamanino ya Ngazi Yamulindizi ya August 1, kumane amulange-lange antoomwe twaambo tuli ansi aamubuzyo wakusaanguna alimwi alugwalo lomwe lutazubulwidwe. Amumwaabile mamagazini, alimwi akupangana kuti mukapilukile kuzoobandika mubuzyo uutobela.

Malailile: Citondezyo eeci ceelede kucitwa lyamuswaangano wamulimo wamumuunda mu August 3.

Ngazi Yamulindizi August 1

“Tuyabuswaya bantu nkaambo banji balalibilika kujatikizya mbozyaduma kapati zyintu ziletela muzeezo wakoonana. Nokuba boobo, bamwi balimvwa kuti zyintu ziletela muzeezo wakoonana tazinyonganyi pe. Ino nywebo muyeeya buti? [Amulindile bwiinguzi.] Jesu wakaamba kuti tulakonzya kucizyiba cintu naa ncibotu kwiinda mumicelo yaco. [Amubale Matayo 7:17.] Magazini eeyi ilabandika zyintu ziboola akaambo kazyintu ziletela muzeezo wakoonana. Alimwi ilapa mizeezo iigwasya kujatikizya mbomukonzya kumana cilengwa cakweebelela zyintu ziletela muzeezo wakoonana.”

Sinsimuka! August

“Bunji bwandiswe tuyanda kuti katupona lyoonse. Sena muyeeya kuti kuyaambele kwasayaansi bumwi buzuba kuyoopa kuti tukapone kukabe kutamani? [Amulindile bwiinguzi.] Amubone cisyomezyo eeci cikkomanisya. [Amubale 1 Bakolinto 15:26.] Pele ino Leza uyoocizuzikizya buti eeci—sena nkwiinda mukubelesya nzila zyasayaansi naa kwiinda mukubelesya nzila zimbi? Alimwi nkaambo nzi lino ncotucembaalila akufwa? Magazini eeyi ilatondezya Bbaibbele mboliingula mibuzyo eeyi.”