Zitondezyo Zyacikozyanyo

Kutalisya Ziiyo zya Bbaibbele Mubuzuba bwa Mujibelo Bwakusaanguna mu May

“Tuyaabuswaya bantu kutegwa tubandike mubufwaafwi mubuzyo ooyu uukkomanisya. [Amubatondezye mubuzyo wakusaanguna uuli mu Ngazi Yamulindizi ya May 1 nkoili kunze.] Ino muyeeya buti?” Amulindile bwiinguzi. Amubandike ambabo makani aajatikizya mubuzyo wakusaanguna alimwi akubala lugwalo lomwe akati kamagwalo aabikkidwe. Amubaabile mamagazini, alimwi akupangana kuti mukapilukile kuzoolanga-langa mubuzyo uutobela.

Ngazi Yamulindizi May 1

“Twamuswaya mubufwaafwi nkaambo bantu banji bayanda kuzyiba ziyoocitika kumbele. Ino mulimvwa buti ciindi nomuyeeya zyakumbele aamazuba? Sena mulalibilika naa pe? [Amulindile bwiinguzi. Mpoonya amubale lugwalo lomwe akati kamagwalo aali mukabbokesi kajisi mutwe wakuti “Zintu Zyakumbele Leza Nzyaayubununa.”] Magazini eeyi ilatondezya zintu zimwi Leza nzyaamba kuti ziyoocitika alimwi ilapandulula kaambo ncotukonzya kuba masimpe kuti ziyoocitika.”

Sinsimuka! May

“Tuyaabuswaya bantu mubufwaafwi kutegwa tubagwasye kuzyiba mbobakonzya kucesya penzi lyakutyompwa. Sena nywebo mucibona kuti bantu banji mazuba aano balityompedwe kapati kwiinda kaindi? [Amulindile bwiinguzi.] Banji bajana kuti lulayo lubotu lwamu Bbaibbele lulabagwasya kucesya penzi lyakutyompwa. Nceeci cikozyanyo comwe. [Amubale Matayo 6:34.] Magazini eeyi ilapandulula njiisyo zyamu Bbaibbele mbozikonzya kutugwasya kulwana zintu zyone zipa kuti bantu kabatyompwa.”

Amuzyibe kuti: Basimakwebo balakonzya kwiikkomanina kapati magazini eeyi.