Zitondezyo Zyacikozyanyo

Kutalisya Ziiyo zya Bbaibbele Mubuzuba bwa Mujibelo Bwakusaanguna mu February

“Bantu mbotubandika limwi bajisi mizeezo iindene-indene kujatikizya Bbaibbele. Bamwi basyoma kuti ndi Jwi lya Leza, pele bamwi balibona kuti ndibbuku buyo mbuli mabbuku aambi. Ino nywebo mulibona buti Bbaibbele?” Amulindile bwiinguzi. Amubatondezye Ngazi Yamulindizi ya February 1 nkoili kunze, mpoonya mubandike ambabo mubuzyo wakusaanguna alimwi akubala lugwalo lomwe lubikkidwe. Amubaabile mamagazini, alimwi akupangana kuti mukapilukile kuzoobandika mubuzyo uutobela.

Ngazi Yamulindizi February 1

“Bantu banji inga bakkomana kuti nkondo yamana. Sena muyeeya kuti luumuno lwanyika yoonse inga lwacitika ncobeni? [Amulindile bwiinguzi.] Amubone Magwalo ncaasyomezya. [Amubale Intembauzyo 46:⁠9.] Zyintu izyakacitika ciindi ca Nkondo Yanyika Yakusaanguna alimwi azyakatobela zitupa kusyoma kuti ino-ino Leza uyoobuzuzikizya businsimi oobu alimwi akumana nkondo kukabe kutamani. Magazini eeyi ilapandulula.”

Sinsimuka! February

“Tuyaabuswaya kutegwa tubandike penzi lidumide kapati. Kulibonya kuti bantu banji balibbaatidwe. Sena muyeeya kuti tulibbaatidwe akaambo kakuba azyintu zinji zyakucita naa akaambo kakuti tatucibelesyi kabotu ciindi? [Amulindile bwiinguzi.] Banji tabazyi kuti Bbaibbele lilapa lulayo lukonzya kugwasya kubelesya kabotu ciindi. Atulange cikozyanyo eeci. [Amubale Bafilipi 1:​10a.] Magazini eeyi ilaamba nzila zyone izyagwasya bantu banji kubelesya kabotu ciindi.”