Zitondezyo Zyacikozyanyo

Kutalisya Ziiyo zya Bbaibbele Mubuzuba bwa Mujibelo Bwakusaanguna mu February

“Bantu banji bayeeya kuti Diabolosi nguuleta bubi buli munyika. Pele balalibuzya kuti: ‘Ino Diabolosi wakazwa kuli? Sena Leza nguwakamulenga?’ Ino nywebo muyeeya buti? [Amulindile bwiinguzi.] Amubone ncotubala aawa.” Amumutondezye cibalo cili mu Ngazi Yamulindizi ya February 1 nkoili kusyule, mpoonya mulange-lange muncali wakusaanguna alimwi alugwalo lubikkidwe. Amumwaabile mamagazini, akupangana kuti mukapilukile kuzoobandika mubuzyo uutobela.

Ngazi Yamulindizi February 1

“Tuyanda kumvwa mbomuyeeya kujatikizya muntu umwi ngobalemeka kapati Banakristo, ba Juda, alimwi aba Muzilimu. Muntu ooyo ngu Musa. Ino ncintu nzi cakusaanguna ncomuyeeya mwamvwa buyo zyina lyakwe? [Amulindile bwiinguzi.] Nokuba kuti wakalubizya, cilakkomanisya kubona Bbaibbele mbolimupandulula Musa. [Amubale Deuteronomo 34:10-12.] Magazini eeyi ilaamba bube bwakwe botatwe bubotu alimwi ambotukonzya kumwiiya.”

Sinsimuka! February

“Mazubaano, cilidumide bantu kulongela kucisi cimbi kutegwa bajane buumi bubotu. Sena muyeeya kuti lyoonse balacijana ncobayandaula? [Amulindile bwiinguzi.] Kulongela kucisi cimbi tacili cintu ceenzu. Amubone cikozyanyo eeci cili mubbuku lyakusaanguna lyamu Bbaibbele. [Amubale Matalikilo 46:5, 6.] Magazini eeyi yiingula mibuzyo eeyi.” Amumutondezye mukamwini ŋanda mibuzyo iili kumamanino aapeeji 6.