MIBUZYO YAMU BBAIBBELE YAINGULWA

Ino Diabolosi wakazwa kuli?

Leza tanaakalenga Diabolosi. Muciindi caboobo, Leza wakalenga mungelo iwakazooba Diabolosi, alimwi wiitwa kuti Saatani. Jesu wakaamba kuti aciindi cimwi Diabolosi wakali kwaamba masimpe alimwi wakanyina mulandu. Aboobo, kusaanguna, Diabolosi wakali mwana wa Leza, mungelo uululeme.—Amubale Johane 8:44.

Ino mungelo mubotu wakazooba buti Diabolosi?

Mungelo mubotu iwakazooba Diabolosi wakasala kukazya Leza alimwi akuyunga banabukwetene bakusaanguna kuti bamusangane. Aboobo, wakalipanga kuba Saatani, icaamba “Sikukazya.”—Amubale Matalikilo 3:1-5; Ciyubunuzyo 12:9.

Mbubwenya mbuli zilenge zimwi zya Leza, mungelo wakazooba Diabolosi wakalaangulukide kusala akati kakucita zyintu ziluzi azitaluzi, pele wakalombozya kukombwa. Kulombozya kupegwa bulemu nkwaakajisi kwakali anguzu kwiinda kuyanda kukkomanisya Leza.—Amubale Matayo 4:8, 9; Jakobo 1:13, 14.

Ino Diabolosi wazumanana buti kuyunga bantu? Sena mweelede kumuyoowa? Mulakonzya kujana bwiinguzi kumibuzyo eeyi mu Bbaibbele.

Kutegwa muzyibe zinji, amubone cibalo 10 mubbuku eeli lyakamwaigwa a Bakamboni ba Jehova.