Citondezyo Cacikozyanyo

Kutalisya Ziiyo zya Bbaibbele Mubuzuba bwa Mujibelo Bwakusaanguna mu July

“Kwamyaka minji bantu bali kwaamba twaambo tusiyene-siyene kujatikizya Jesu ikuti naa nguni. Sena muyeeya kuti cilayandika kumuzyiba Jesu? [Amulindile bwiinguzi.] Cibalo eeci cilapandulula kutumwa kwa Jesu Kristo kuzootufwida mbocili citondezyo caluyando lwa Leza kubantu.” Amubale Johane 3:16. Mwamana mumupe mwiniŋanda Ngazi Yamulindizi ya April-June alimwi amubale akubandika twaambo tuli aansi akatwe kamakani kakusaanguna kali apeeji 24. Amwaabile mamagazini, akupanga bubambe bwakupilukila kuzoobandika mubuzyo uutobela.

Ngazi Yamulindizi April–June

Ikuti naa mubandika amuntu uukwete naa uukwetwe, mulakonzya kwaamba kuti, “Ino muyeeya kuti ncinzi banabukwetene ncobeelede kucita kutegwa cikwati cabo cizwidilile? [Amulindile bwiinguzi.] Amubone Bbaibbele mbolikankaizya kuti banabukwetene beelede kuzuzikizya mikuli yabo mucikwati. [Amubale Baloma 14:12] Magazini eeyi ilalanga-langa matongoosi aali cisambomwe kanji-kanji bamaalumi abamakaintu ngobajisi alimwi ambocigwasya kutobela njiisyo zyamu Bbaibbele.”

Sinsimuka! April-June

“Sena kuli nomwakalibuzyide kuti bbuku lyakaindi mbuli Bbaibbele lilakonzya kwaamba zyintu zyeendelana anzyobajana basayaansi mazuba aano? [Amulindile bwiinguzi. Mpoonya amubale Isaya 40:22.] Eeyi magazini ilatondezya Ibbaibbele mbolyeendelana abasayaansi nobaamba zyamasimpe kujatikizya zyintu zyamunyika, ikutupa twaambo tukonzya kutugwasya kulisyoma bbuku eeli lyakaindi nomuba mutwaambo tumbi tuyandika kapati.”