Zyakwaamba Kujatikizya Mamagazini

Ngazi Yamulindizi January–March

“Bunji bwabantu, kuli ciindi nobalimvwa kuti beelede kupaila. Ncinzi bantu ncobayanda kujana bapaila? [Amulindile bwiinguzi. Mpoonya amubale 1 Johane 5:14.] Mipailo taikonzyi kugwasya ccita kuti yamvwugwa. Magazini eeyi ilapandulula ncayanda Leza kutegwa mipailo imvwugwe.”

Sinsimuka! January–March

“Kanji-kanji, ecino nceciindi nokuba penzi lya bulwazi bwakkolela, bwalo bujaya bantu banji kapati. Ino muyeeya kuti inga twacita nzi kutegwa tulikwabilile kubulwazi oobu? [Amulindile bwiinguzi] Kutobela malailile aamu Bbaibbele kujatikizya bulondo alakonzya kugwasya kulikwabilila kubulwazi bwakkolela. [Amubale Deuteronomo 23:12-14.] Cibalo cili mumagazini eeyi cilatondezya mbomukonzya kulikwabilila kubulwazi oobu.”

Ngazi Yamulindizi January–March

“Munyika iino iijisi zyakusala zikatazya abukkale buyoosya, toonse tulabuyanda busolozi bugwasya. Sena kuli nzila imwi iikonzya kutugwasya kuba abusongo caboola kumakani akutambula lulayo? [Amulindile bwiinguzi. Mpoonya amubale Jeremiya 29:11.] Cibalo cili apeeji 28 mumagazini eeyi cilatondezya Bbaibbele mbolili bbuku lipa lulayo lugwasya mubuumi.”

Sinsimuka! January–March

“Bantu banji babona kuti kusyomeka alimwi akwaamba masimpe ncintu cakulisalila. Aboobo cilizyibidwe kutaamba masimpe ciindi camakwebo kutegwa ncobasambala cuulwe cakufwambaana. Sena muyeeya kuti kusyomeka kulayandika? [Amulindile bwiinguzi. Mpoonya amubale Isaya 33:15.] Magazini eeyi ilapandulula njiisyo zikonzya kutugwasya kukazya muuya wakutasyomeka uudumide mazuba aano.”