Mulongo Wamunsondo Iitalika mu December 15

Lwiimbo 1 Amupailo

Ciiyo ca Bbaibbele Cambungano:

lv cibalo 8 minc. 1-10 (30 min.)

Cikolo Camulimo Weendelezyegwa a Leza:

Kubala Bbaibbele: Joshua 6-8 (10 min.)

Na. 1: Joshua 8:18-29 (4 min. naa kutasika aawo)

Na. 2: Kusyomeka Mutwaambo Tutali Twabukombi—lv pp. 168-169 minc. 15-17 (5 min.)

Na. 3: Kamumuyeeya Sinkondonyoko Mwini-mwini Lyoonse—w09 4/15 pp. 8-9 minc. 4-8 (5 min.)

Muswaangano Wamulimo:

MUTWE Wamakani Wamwezi: Atugusye “zintu zibotu” kuzwa muciyobwedo cesu cibotu ncotupedwe.—Mt. 12:35a.

Lwiimbo 101

15 min: “Kweendelezya Ziiyo zya Bbaibbele Zizwidilila.” Kubuzya akwiingula. Mwamana kulanga-langa muncali 3, amucite citondezyo cijisi zibeela zyobilo izitondezya sikumwaya asikwiiya Bbaibbele kababandika muncali 8 wacibalo 15 mubbuku lya Bbaibbele Ncoliyiisya. Mucitondezyo cakusaanguna, sikumwaya nguwaambaula kapati. Mucitondezyo cabili, sikumwaya ulabuzya mibuzyo kutegwa azyibe mbwayeeya sikwiiya.

15 min: Cibelesyo Icikonzya Kumugwasya Kulibambila Kweendelezya Ziiyo zya Bbaibbele. Mubandi abaswiilizi. Amubalombe baswiilizi kuti babikkile maano kucibeela cijanika a jw.org icijisi mutwe wakuti “Ino Ncinzi Ncoliyiisya Bbaibbele?” (Amulange aalembedwe kuti NJIISYO ZYAMU BBAIBBELE > BAKUBUSI.) Amubandike cibalo eeci mbocikonzya kubelesyegwa kutegwa citugwasye kuyiisya bana alimwi abapati ziiyo zya Bbaibbele zizwidilila. Ino mibuzyo iili amapepa aaya inga yatugwasya buti kumusika amoyo sikwiiya? Amubikkilizye acitondezyo casikumwaya uulyaambauzya uubelesya makani amwi aali apepa kutegwa amugwasye kuyeeya nzyayandika ooyo ngwayiisya alimwi akulibambila mibuzyo iigwasya. Amumanizye kwiinda mukubakulwaizya baswiilizi kuba bamayi babotu kwiinda mukusolekesya kubasika amoyo aabo mbobayiisya kwiinda mukubelesya zintu zibotu nzyotujisi kugwasya bantu. (Tus. 20:5) Ooko nkoitajaniki Intaneti, amubandike cibalo cijisi mutwe wakuti “Amulibambile Kabotu Kuti Mukayiisye” icili mu Mulimo Wesu wa Bwami wamu June 2009 peeji 2.

Lwiimbo 99 Amupailo