Sena Jwi lya Leza Lilaanguzu Mubuumi Bwanu?

Kubala Bbaibbele buzuba abuzuba kulakonzya kutugwasya ‘kusimpa miyanda’ alimwi “akukkalikila mulusyomo.” (Kol. 2:6, 7) Nokuba boobo, kutegwa Jwi lya Jehova libe anguzu mubuumi bwesu, tweelede kuzinzibala kuyeeya alimwi akubelesya njiisyo zyandilyo. (Heb. 4:12; Jak. 1:22-25) Lugwalo lwa Joshua 1:8 lulaamba nzila zyotatwe zigwasya mukubala: (1) Amubale Jwi lya Leza “syikati amasiku.” (2) Amulibale “caansaansi,” icaamba kuti tweelede kubala munzila ikonzya kutupa kuzinzibala kuyeeya alimwi akweezyeezya bukkale mbobwakabede. (3) Cakusyomeka, amutobele “makani oonse aalembedwe mulindilyo.” Kuzibelesya nzila eezyi kuyootugwasya ‘kuzwidilila’ alimwi ‘akucita zintu cabusongo’ mubuumi bwesu.