Ikuti Twajana Mwana

Ikuti twajana mwana aŋanda, tweelede kulomba kubandika abazyali bakwe. Eeci citondezya bulemu kububambe bwabusilutwe. (Tus. 6:20) Ikuti naa mwana watwaambila kuti tunjile muŋanda, tweelede kukaka. Ikuti bazyali bakwe kabatako, tweelede kupilukila aciindi cimwi.

Ikuti mwana kali mupati, andiza kajisi myaka iili 15 kusikila ku 19, ncimwi buyo inga ceelela kulomba bazyali. Ikuti kabatako, tulakonzya kumubuzya naa bazyali bakwe balamuzumizya kulisalila zyakubala. Kuti kabamuzumizya, tulakonzya kumupa mabbuku alimwi akumutondezya jw.org.

Notupilukila kumukubusi wakatondezya luyandisisyo, tweelede kulomba kubonana abazyali bakwe. Eeci ciyootupa coolwe cakupandulula makanze eesu akubatondezya lulayo lusyomeka lwamu Bbaibbele lujatikizya mikwasyi. (Int. 119:86, 138) Ikubalemeka bazyali mbukambausi bubotu alimwi inga catupa coolwe cimbi cakwaambila bamwi mumukwasyi makani mabotu.—1Pet. 2:12.