Kristo Wakapenga Akaambo Kandiswe

“Wakali kunyansyigwa akutantamukwa abantu . . . Swebo twakamubona mbuli kuti wakacisigwa, wakaumwa alimwi akupenzyegwa a Leza”

53:3-5

• Jesu wakanyansyigwa akupegwa mulandu wakubukila Leza. Bamwi bakali kusyoma kuti Leza wakali kumusubula, mbuli kuti wakali kumupenzya acilwazi cisesemya

  

“Kwakali kuyanda kwa Jehova kuti muntu ooyu apwaigwe, . . . alimwi kwiinda mulinguwe eeco ncayanda Jehova ciyoozwidilila”

53:10

• Cakutadooneka Jehova cakamucisa ciindi naakabona Mwanaakwe kajaigwa. Pele wakakkomana kubona kusyomeka kwa Jesu cakumaninina. Lufwu lwa Jesu lwakapa bwiinguzi kukukazya kwa Saatani kujatikizya kusyomeka kwababelesi ba Leza alimwi lwakaleta zilongezyo kubantu beempwa. Aboobo lwakagwasya mukuzuzikizya “kuyanda kwa Jehova”