Kukambaukila munsi-munsi aku Monrovia, Liberia

Mibandi Yacitondezyo

●○○ LWEENDO LWAKUSAANGUNA

Mubuzyo: Sena Bbaibbele licigwasya amazuba aano?

Lugwalo: 2Tim. 3:16

Ciindi Ciboola: Ino mulumbe nzi uujanika mu Bbaibbele?

○●○ LWEENDO LWAKUPILUKILA LWAKUSAANGUNA

Mubuzyo: Ino mulumbe nzi uujanika mu Bbaibbele?

Lugwalo: Mt. 6:10

Ciindi Ciboola: Ncinzi ncobuyakucita Bwami bwa Leza?

○○● LWEENDO LWAKUPILUKILA LWABILI

Mubuzyo: Ncinzi ncobuyakucita Bwami bwa Leza?

Lugwalo: Dan. 2:44

Ciindi Ciboola: Ino eeci ciyakwiijatikizya buti nyika?

Kutalikila mwezi uuno, Muswaangano Wabuumi Amulimo taucinoojisi zibeela zyotatwe zyazitondezyo zyacikozyanyo. Muciindi caboobo, Kabbuku Kamuswaangano Wabuumi Amulimo kanoojisi mibandi yacitondezyo iibikkilizya mubuzyo wakutalisya, lugwalo alimwi amubuzyo wakuyoobandika ciindi ciboola. Tunooyebelela buyo kavidiyo komwe kamubandi wacitondezyo nsondo ansondo. Sikumwaya umwi aumwi ulakonzya kusala akati kamabbuku ngotubelesya kuyiisya bantu ndyayanda kubelesya alimwi aciindi nakonzya kucita boobo—ambweni mulweendo lwakusaanguna naa mulweendo lwakupilukila. Kuyungizya waawo, kabbuku kamuswaangano kanoojisi mibandi yacitondezyo iimbi yobilo iinootobela. Kucinca ooku kuyootugwasya kubikkila maano kumbaakani yesu yakuyiisya ‘aabo ibajisi myoyo mibotu, ibalibambilide kutambula buumi butamani.’—Mil. 13:48.

Zibeela Zyabasicikolo: Ccita kuti malailile atondezya bumbi, basicikolo beelede kutondezya mboicitwa mibandi yacitondezyo.