April 16-22
MARKO 1-2
Lwiimbo 130 Amupailo
Majwi Aantalisyo (3 min.)
MBONO IZILI MU JWI LYA LEZA
“Walekelelwa Zibi Zyako”: (10 min.)
[Amweebelele kavidiyo ka Makani Aantalisyo Aabbuku lya Marko.]
Mk. 2:3-5—Jesu wakamulekelela zibi zyakwe muntu iwakalebukide mubili (jy 66 ¶3-5)
Mk. 2:6-12—Jesu wakatondezya kuti ulijisi nguzu zyakulekelela zibi kwiinda mukuponya muntu iwakalebukide mubili (“Ncili cuuba-uba” kaambo kagwasya mukwiiya kuzwa kulugwalo lwa Mk. 2:9, nwtsty)
Kuyandaula Mbono Zyakumuuya: (8 min.)
Mk. 1:11—Ino majwi Jehova ngaakaambila Jesu aamba nzi? (“kujulu kwakazwa jwi,” “Yebo uli Mwanaangu,” “ngwekkomanina” twaambo tugwasya mukwiiya kuzwa kulugwalo lwa Mk. 1:11, nwtsty)
Mk. 2:27, 28—Nkaambo nzi Jesu ncaakalyaamba kuti “Mwami wa Sabata”? (“Mwami wa Sabata” kaambo kagwasya mukwiiya kuzwa kulugwalo lwa Mk. 2:28, nwtsty)
Ino kubala Bbaibbele kwansondo iino kwamuyiisya nzi kujatikizya Jehova?
Ino nimbono nzi zimbi zyakumuuya nzyomwakajana mukubala Bbaibbele kwansondo iino?
Kubala Bbaibbele: (4 min.) Mk. 1:1-15
AMUSUNGWAALE MUMULIMO WAMUMUUNDA
Lweendo Lwakusaanguna: (2 min.) Amubelesye mubandi wacitondezyo. Amutondezye mbomukonzya kwiingula bantu mucilawo canu ibasola kusinkila mubandi.
Lweendo Lwakupilukila Lwakusaanguna: (3 min.) Amubelesye mubandi wacitondezyo.
Kavidiyo Kalweendo Lwakupilukila Lwabili: (5 min.) Amweebelele akubandika kavidiyo.
KUPONA BUUMI BWA BUNAKRISTO
“Ndakaboolela Kwiita Basizibi Ikutali Bantu Baluleme”: (7 min.) Mubandi abaswiilizi. Amweebelele kavidiyo kakuti Nondakazwa Muntolongo Ndakajana Buumi Bulaampindu. Mpoonya amubuzye mibuzyo iitobela: Ino ncinzi cakagwasya ba Donald kujana lukkomano lwini-lwini? Ciindi notukambauka, ino mbuti mbotukonzya kwiiya cikozyanyo ca Jesu cakutasalulula bantu?—Mk. 2:17.
Jehova Ulalekelela “Cakumaninina”: (8 min.) Mubandi abaswiilizi. Amweebelele kavidiyo kakuti: Jehova Ndilakubikka Mubusena Bwakusaanguna Mubuumi Bwangu. Mpoonya amubuzye mibuzyo iitobela: Ino mbuti ba Anneliese mbobakapiluka kuli Jehova alimwi nkaambo nzi? (Is. 55:6, 7) Ino mbuti mbomukonzya kubelesya cakuluula cabo kugwasya baabo ibakaleka kubelekela Jehova?
Ciiyo ca Bbaibbele Cambungano: (30 min.) jy cibalo 17
Kwiinduluka Twaambo Twayiigwa Akwaamba Tuyooyiigwa Nsondo Iitobela (3 min.)
Lwiimbo 86 Amupailo