Mamanino

MULIMO wa broshuwa eeyi tauli wakukanana njiisyo zyoonse zyabukombi bwa Bakamboni ba Jehova. Muciindi caboobo twasola kupandulula zintu zimwi Bakamboni nzyobasyoma akutondezya kabotu-kabotu bukkale bwamukwasyi bujatikizya sicikolo wanu naa ujisi buyo muzyali omwe Kamboni naa boonse bobile.

Bakamboni ba Jehova balabikkila maanu kapati kukuya ambele kwabana babo kuzintu zyakumuuya. Alimwi basyoma kuti eeci cilabagwasya bana babo kuya ambele mumasena aambi. Lusyomo ndobajisi anjiisyo nzyobatobela zipa kuti buumi bwabo kabujisi mpindu alimwi kabakonzya kweendelezya mapenzi aabo abuzuba-abuzuba. Kunze lyaboobo olo lusyomo anjiisyo, zyeelede kubapa kuti babe basicikolo basungweede abasicisi balikabotu mubuumi bwabo boonse.

Bakamboni balasoleka kulanga mbobubede ncobeni buumi, elyo lwiiyo ncintu cipati kulimbabo. Aboobo balayanda kuti kababelekela antoomwe andinywe mbuli mbobakonzya. Balo mumaanda aabo amumasena mobakombela munyika yoonse mbwiizulwa, banoobujisi kukulwaizya bana babo kuzuzikizya mulimo wabo mukubelekela antoomwe oku kwalo ikugwasya.