LAIBBULALI YAA INTANETI ya Watchower
Watchtower
LAIBBULALI YAA INTANETI
Chitonga
  • BBAIBBELE
  • ZYAKAMWAIGWA
  • MISWAANGANO
  • wp19 No. 2 map. 10-11
  • Ikuti Mwaciswa Bulwazi Bukatazya Kupona

Kunyina vidiyo aawa mpomwasala.

Vidiyo yakaka kulila.

  • Ikuti Mwaciswa Bulwazi Bukatazya Kupona
  • Ngazi Yamulindizi Yaambilizya Bwami bwa Jehova (Yakubuleya)—2019
  • Tutwe Twamakani
  • Makani Aakozyenye
  • BAMWI MBOBACIKONZYA KULIYUMYA
  • Kuti Naa Umwi Mumukwasyi Waciswa
    Inzila Yakujana Lukkomano Mumukwasyi
  • Mulayandika Kapati Kuli Jehova Leza Wanu!
    Ngazi Yamulindizi Yaambilizya Bwami bwa Jehova (Yakwiiya)—2020
  • Mipailo Mboikonzya Kumugwasya
    Ngazi Yamulindizi Yaambilizya Bwami bwa Jehova (Yakubuleya)—2021
  • Mbomukonzya Kucita Ikuti Mwasikilwa Malwazi Ngomwatali Kuyeeyela
    Twaambo Tumwi
Amubone Azimwi
Ngazi Yamulindizi Yaambilizya Bwami bwa Jehova (Yakubuleya)—2019
wp19 No. 2 map. 10-11

Ikuti Mwaciswa Bulwazi Bukatazya Kupona

Ba Linda ibajisi myaka yakuzyalwa iili 71, bakaamba kuti: “Ciindi nondakazyiba kuti ndijisi kkansa mumapunga alimwi amumala, ndakalimvwa mbuli kuti ndapegwa cisubulo cakujaigwa. Pele nondakasika kuŋanda kuzwa kuli badokota, ndakatalika kuyeeya kuti, ‘Masimpe tiindali kuyeeya kuti inga bandijana abulwazi bwakkansa, pele lino ndeelede buyo kujana nzila yambondikonzya kuliyumya mubukkale oobu.’”

Ba Elise ibajisi myaka yakuzyalwa iili 49, bakaamba kuti: “Ndiciswa bulwazi bucisa kapati bwalo ibukwela nsinga zyakulumwensyi kwabusyu bwangu. Zimwi ziindi, ndilaakuba apenzi lyakutyompwa akaambo kakucisa kapati kwabulwazi oobu. Bunji bwaziindi musyule, ndakali kulimvwa kulendelelwa mane buya akutalika kuyeeya zyakulijaya.”

Mwaalumi uuciswa ulikkede akacinga kabalema mpoonya uli antoomwe abayandwa bakwe

IKUTI NYWEBO naa muyandwa wanu wajanwa aabulwazi bupati ibukonzya kusololela kulufwu, mulizyi kabotu eeci mbocikonzya kumutyompya. Kunze aabulwazi bwini kubugama, inga mwayandika kuliyumya kukukopana kwamizeezo kuboola akaambo kakuba apenzi eelyo. Kuyoowa alimwi akulibilika kulakonzya kwiindila akaambo kanyendo zinji zipangwa izyakuyoobonana abamadokota, kujana naa kubbadelela busilisi buyandika naa mapenzi aaboola akaambo kamisamu imwi. Kupenga mumizeezo ikuboola akaambo kakuciswa bulwazi bupati kulakatazya citaambiki.

Ino nkookuli nkotukonzya kujana lugwasyo? Bantu banji balagwasyigwa kapati kwiinda mukupaila kuli Leza alimwi akubala zibalo zyamu Bbaibbele zyuumbulizya. Lugwasyo lumbi lulakonzya kujanwa kwiinda mukugwasyigwa abanamukwasyi alimwi abalongwe.

BAMWI MBOBACIKONZYA KULIYUMYA

Ba Robert ibajisi myaka yakuzyalwa iili 58, bakaamba kuti: “Amube alusyomo muli Leza eelyo uyoomugwasya kuliyumya kubulwazi bwanu. Amupaile kuli Jehova. Amumwaambile mbomulimvwa. Amumulombe kuti amupe muuya uusalala. Amumulombe kuti amugwasye kuzilanga kabotu zintu akuba muntu uubakulwaizya banamukwasyi alimwi akuzumanana kukkazika moyo ciindi nomuliyumya kubulwazi bwanu.”

Bakazumanana kwaamba kuti: “Cilagwasya kapati kuti banamukwasyi kabali afwaafwi nkaambo eeci cipa kukkalikana mumizeezo. Inga balanditumina mafooni buzuba abuzuba banamukwasyi, ambweni omwe naa bobilo ikubuzya kuti, ‘Ino muliswiilide buti?’ Inga ndilaakukulwaizyigwa abeenzuma ibakkala mumasena aaindene-indene. Lyoonse bandipa kulimvwa kabotu alimwi eeci cindipa kuzumanana kuliyumya.”

Ikuti naa muyanda kuyooswaya mulongwe wanu uuciswa, amubone ncobakaamba ba Linda: “Tacidoonekwi kuti mulwazi awalo uyanda kupona mbuli mbobapona bantu boonse, aboobo ambweni inga tanaayanda kunoobandika makani aajatikizya bulwazi bwakwe lyoonse. Aboobo, amusole kubandika buyo makani aambi ngomuvwula kubandika lyoonse.”

Kwiinda mukugwasyigwa a Leza alimwi aluumbulizyo lwamu Magwalo, kubikkilizya alugwasyo lwabanamukwasyi abalongwe, tulakonzya kuba masimpe kuti cilagwasya kuzumanana kupona noliba leelyo notuciswa bulwazi bukatazya kupona.

Magwalo Aamu Bbaibbele Aakonzya Kugwasya

Amumusyome Leza.

“Ndakabuzya Jehova, eelyo wakandivwiila. Wakandivwuna kuzintu zyoonse izyakali kundiyoosya. Ooyu uupengede wakaita, mpoonya Jehova wakamvwa.”—Intembauzyo 34:4, 6.

Ba Linda ibaambwa kumatalikilo bakaamba kuti: “Kunyina nondipaila kuti, ‘Kondiponya.’ Pele lyoonse ndipaila kuti, ‘Ndilomba nguzu kutegwa ndicikonzye kuliyumya kubulwazi bwangu.’”

Amulibale Jwi lya Leza kutegwa limugwasye kuyuma.

“Taakwe muntu naba omwe uukkala munyika uuyakwaamba kuti: ‘Ndaciswa.’”—Isaya 33:24.

Amuzinzibale kuyeeya zisyomezyo zya Leza zyakumbele. Kucita boobu kuyoomugwasya kuba abulangizi bwalo ibuyoomupa nguzu zyakuliyumya.

Amulombe lugwasyo kubanamukwasyi alimwi akubalongwe.

“Mulongwe mwini-mwini ulatondezya luyando ciindi coonse, alimwi ngomunyoko wakazyalilwa kuti akugwasye muziindi zyamapenzi.”—Tusimpi 17:17.

Ba Elise ibaambwa kumatalikilo, bakaamba kuti: “Tamweelede kulizandula pe. Amubazumizye balongwe banu kuti bamugwasye. Zimwi ziindi mulakonzya kulimvwa kulendelelwa akutalika kuyeeya kuti awalo Leza tamubikkilide maano, pele tamweelede kulizandula pe.”

    Chitonga Publications (1991-2024)
    Log Out
    Log In
    • Chitonga
    • Amutumine Bamwi
    • Makani Ngomuyanda
    • Copyright © 2025 Watch Tower Bible and Tract Society of Pennsylvania
    • Nzyomweelede Kuzumina
    • Mulawo Uujatikizya Kubamba Maseseke
    • Privacy Settings
    • JW.ORG
    • Log In
    Amutumine Bamwi