Cikolo Acimugwasye Kapati
1 Ecino nceciindi camwaka ibunji bwabakubusi nobabuzya kuti: “Sena ndileelede kale kujokela kucikolo mpoonaawa?” Nokuba kuti inga kakuli buyumuyumu alimwi akulibilika kujatikizya kupilukila kucikolo, kuli mpindu zitalivwulili izijanwa abakubusi ibaliyumya ikutegwa bagwasigwe mulwiiyo lwabo.
2 Ilwiiyo lwantalisyo lubotu lulagwasya kuti muntu amuntu aye ambele munzila yakumuuya. Muntu umwi aumwi ncacita nacili mukubusi ciliswaangene kapati azintu nzyanga waakukonzya kucita aakukomena. Nomuba mumakani aalwiiyo, tulakonzya kwaamba kuti “kufwumbwa ncabyala muntu, ulatebula eco nciconya.” (Gal. 6:7) Ibakubusi ibasungwaala kwiiya ziiyo zyabo zyakucikolo balakonzya kujana luzibo lunga lwabapa kuti bamubelekele kabotu Jehova.
3 Ikuyeeyela limwi kabotu-kabotu kulayandika ikutegwa muntu akonzye kusala kabotu ziiyo kucikolo. Ibazyali beelede kugwasya bana babo kusala ziiyo nzyobazyi kuti zipa lwiiyo lukonzya kubagwasya kuzwidilila mumbaakani zyabo muzintu zyakumuuya. Kwiinda mukuyungizya luzibo lwabo, ibakubusi bayakubaa coolwe cakukonzya kuligwasya beni mumulimo wabupainiya. Ilwiiyo lwabo lwantalisyo lweelede kubagwasya kutembaula Jehova kuli koonse nkobakonzya kumubelekela.
4 Nobakubusi, amusoleke kubeleka acanguzu mumyaka nomuli kucikolo. Nomucita boobo, amubikkile maanu kumulimo uusetekene mubuumi bukkomanisya, muciindi cakuyandaula lwiiyo lwanyika. Amubikkile maanu kukucita luyando lwa Jehova. Naa mwacita obo, muyoozwidilila muzintu zyoonse nzyomucita, eci ciyooleta bulemu kuli Jehova.—Int. 1:3.