Makani Aateokrasi

◼ Armenia: Ilipooti yamu December yakatondezya basikumwaya basika ku 4,741 ibakabeleka mawoola aakati-kati aali 16 umwi aumwi mumulimo wamumuunda. Ooyu mweelwe waatala mupya wabasikumwaya utondezya kuti bakavwula a 17 pasenti kwiinda mweelwe wabo waakati-kati wamwakali.

◼ Chile: Ikucesegwa kwamawoola aayandika kubapainiya kwakabasungwaazya, eci cilalibonya kwiinda mumweelwe waatala mupya uutanasikidwe wabapainiya baciindi coonse ibakapa malipooti mu January ibali 4,351. Alimwi mweelwe wabapainiya bakugwasilizya bali 5,175 ibakapa malipooti mmweelwe wiinda kukomena mumwaka oyu wamulimo.

◼ Ukraine: Akati kabasikumwaya bali 100,129 bakapa malipooti mu January, imweelwe wa 12 pasenti bakali mumulimo umwi waciindi coonse. Mucisi ca Ukraine ibapainiya baciindi coonse bakasika amweelwe wa 5,516—ooyu mweelwe waatala ngwanamba 27 kumyeelwe yaatala iitobelene—alimwi ibambi basikumwaya basika ku 6,468 bakapa malipooti kabali bapainiya bakugwasilizya.