Miswaangano Yamulimo ya June
Nsondo Iitalika mu June 7
Lwiimbo 6
10 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu Wabwami. Makani Aateokrasi.
15 min: “Tulayiisigwaa Jehova.” Ntalisyo yamakani itaindilili aminiti yomwe, mwamana muzumanane amubandi wakubuzya akwiingula. Amulombe baswiilizi kuluula mpindu zimwi nzyobajana mu Cikolo Camulimo Wateokrasi, Cikolo Camulimo Wabapainiya, Cikolo Camulimo Wabwami alimwi azimbi buyo. Amukankaizye mbozyabagwasya ezi bantu ba Jehova kucita kabotu mumulimo wabukambausi.
20 min: “Amucibelesye Kabotu Ciindi Canu.” Mubandi akati ka Mweendelezi wa Ciiyo Cabbuku Cambungano asikumwaya omwe naa bobile basimide ibaluula mbuli mbobeendelezya ciindi cabo kutegwa bacikonzye kutola lubazu luzwide mumulimo wamumuunda. Bapandulula mbokuyandika kubamba mulongo wazyakucita uukonzeka alimwi bakankaizya kuti kulayandika kubaanguwo. Baamba mbobasola kweeleba zintu zisowela ciindi mbuli kumuka kutalika, kutalibambilila limwi kabotu, naa kunjila mumisalo ciindi nobali mukukambauka. Kweelana azintu mbozibede nkomuzwa, amupe malailile aagwasya aambuli mbocinga cabelesegwa kabotu ciindi.
Lwiimbo 26 amupailo wakujala.
Nsondo Iitalika mu June 14
Lwiimbo 25
10 min: Zyakwaambilizya zyambungano. Lipooti yamaakkaunti.
15 min: Ziyandika zyambungano.
20 min: “Sena Inga Mwagwasya?” Mubandi abaswiilizi uucitwa amwaalu. Amubikkilizye malailile aapedwe mu Awake! yamu October 8, 1995 mapeeji 8-9 yakugwasya bazyali bali balikke. Amulombe bamwi kuti bape kulumba kulugwasyo ndobakatambula kuli bamwi mumbungano.
Lwiimbo 8 amupailo wakujala.
Nsondo Iitalika mu June 21
Lwiimbo 22
10 min: Zyakwaambilizya zyambungano. Amwaambe bubambe bwaalubazu bwamulimo wamumuunda mumazubaa akulyookezya aamu July 1 alimwi a 2. Amucitye citondezyo cifwaafwi cijatikizya kabbokesi kamutwe wakuti, “Tatuli Mbuli Banji Baulisya Majwi aa Leza.” Amubelesye cakuluula cili mu Ngazi Yamulindizi ya April 1, 1998 apeeji 21 alimwi amubbuku lya Kukambitsirana amapeeji 20-21.
17 min: Amukanze Kucita Mulimo Waciindi Coonse. Mubandi akati kamwaalu amukubusi omwe naa bobile uujatikizya Ngazi Yamulindizi ya December 15, 1988 amapeeji 25-7. Bakubusi basola kusala makanze ngobatibe aangawo baakumanizya cikolo. Mumubandi wabo baamba mpindu nzyobanga bajana kuti babikkila maanu kumakkoosi aakunyika. Mwaalu waamba bubotu bwakubelekela mulimo wabupainiya. Ibakubusi bazumina pele kabadooneka naa inga bacikonzya kulisanina kabotu kuti naa bacitide bupainiya. Mwaalu wabandika ambabo zyakuluula zyamucibalo ca Ngazi Yamulindizi, wabatondezya kuti mulimo wabupainiya uli kabotu, ulakonzeka alimwi uletela lukkomano kubantu banji. Mubandi wamana, bakubusi kabalumba kumakani aamwaalu alimwi bakanza kuliyeeya kumakani aakubelekela mbaakani yakutola lubazu luzwide mumulimo wa Bwami.
18 min: “Sena Mubona Buyo Ciwa?” Makani amubandi abaswiilizi. Amukankaizye twaambo ncotutayelede kubukaa kuyeeyela bantu mbotuswaanganya. Cakukosaula-kosaula amubandike ciiyo Jehova ncaakayiisya Jona walo wakali kubona bamwi bantu kuti tibakeelede kugwasigwa. (Amulange Ngazi Yamulindizi ya September 1, 1997 mapeeji 12-3, mincali 17-19.) Amulombe baswiilizi kuti baluule kujatikizya bantu baindene-indene mbobakaswaanganya mucilawo ncobabelekela, baambe mbobatayoowi bantu, pele bazisiya mumaanza aa Jehova.
Lwiimbo 16 amupailo wakujala.
Nsondo Iitalika mu June 28
Lwiimbo 11
12 min: Zyakwaambilizya zyambungano. Amubayeezye boonse kuleta malipooti aabo aamulimo wamumuunda amumwezi wa June. Amwaambe mabbuku aakumwaya mu July. Amutondezye mabroshuwa aaliko mumbungano alimwi amwaambe cintu comwe naa zyobile nzyotunga twakankaizya muntalisyo zyesu zyamakani. Amubikkilizye acitondezyo cakalibambilwa kabotu.
13 min: Nkaambo nzi Jehova Ncazumizya Bantu Bakwe Kuti Kabapenzegwa? Makani aakananwa amwaalu aagusigwa mu Ngazi Yamulindizi ya June 1, 1998 aamapeeji 16-20. Tulasulwa ‘abantu boonse’ mbuli mbwaakasinsima Jesu. (Mt. 24:9) Tulakonzya kukazigwa notukambauka, notuyanzana abasazima bakunze naa notuyanzana abantu batali Bakamboni kumilimo nkotubeleka naa kucikolo nkotwiiya. Cakukulwaizya mwaambi wapandulula kaambo Jehova ncazumizya kupenzegwa kuli boobu naa kukazigwa alimwi ambotunga twaakulelekwa kumbele kuti naa twaliyumya.
20 min: Kamulibambilide Kucita Bukambausi Bwamukwiizya. Buzuba abuzuba tulabaa ciindi cakukambaukila bantu mbotuswaanganya. Mulyango nowajuka wakukambauka, ambweni inga twajana kuti tatujisi a Bbaibbele naa mabbuku aakubelesya. Amulibambilile limwi. Kuŋanda, mabbuku aamwi amwaabikke antangalala kumbali aamulyango nkomutambwida beenzu. Amubikke mabbuku aasiyene-siyene mucoola mpoonya coola eco kamucijisi naa kacili mumootokala wanu, kumilimo nkomubeleka naa mulokka yanu kucikolo. Amubwezelezye cintu cimwi nomuli mukweenda azyakweendela zyabuleya. Amubwezelezye amabbuku nomuli mulweendo lujatikizya makwebo, nomuya kumuswaangano naa kukulyookezya. Amubandike twaambo tumbi ituli mu Bukhu Lolangiza la Sukulu amapeeji 80-2, mincali 11-16. Mubufwaafwi amutondezye nzila zyaandeene-andeene zyakukanana amusambazi, muntu ngomubeleka limwi, ngomwiiya limwi kucikolo, silweendonyoko umbi, naa muntu ngomuli limwi muciindi cakulyookezya.
Lwiimbo 18 amupailo wakujala