Ibusungu Bukulwaizya Banabunji

Mwaapostolo Paulo wakabalumbaizya bana Korinto akaambo kakuti ibusungu bwabo mbobakatondezya kumulimo mubotu ‘bwakabusya banjibanji’ akati ka Banakristonyina. (2 Kor. 9:2) Kanjikanji, muntu umwi aumwi, imukwasyi, kabunga kaciiyo cabbuku cambungano naa mbungano yoonse mbwiizulwa ilakonzya kucitikilwa mbubonya obo kwiinda mubusungu bwabo mukutola lubazu mumulimo wakukambauka. Nzyeezi nzila zimwi nzyomunga mwatobela mukusungwaalila mulimo.

◼ Amubelesye mazuba oonse aa Mujibelo kuba Buzuba bwamulimo wa Mamagazini.

◼ Amutole lubazu mumulimo wamumuunda mumazuba amu Nsondo oonse.

◼ Amubelesye ciindi eelyo zuba nolitabbili kufwambaana ikutola lubazu mubukambausi bwakumangolezya.

◼ Amutole lubazu mubukambausi bulibedelede mumazuba aabikkidwe.

◼ Amubelesye buzuba naa mazubaa kupumuna eelyo nomutaunki kumilimo naa kucikolo kutola lubazu mumulimo.

◼ Amutole lubazu mumulimo ciindi cakuswaya kwamulangizi wabbazu.

◼ Amubeleke mulimo wabupainiya bwakugwasilizya kwamwezi omwe naa kwiindaawo mukati kamwaka.

◼ Amucince bukkale bwanu kutegwa mubeleke mulimo wabupainiya bwaciindi coonse ikuti kacikonzyeka.

Amubone Yearbook of Jehovah’s Witnesses yamu 2000 amapeeji 17-19.