Nzyomweelede Kwaamba Kujatikizya Mamagazini
Ngazi Yamulindizi Jan. 1
“Ibantu bali kwaamba zintu zyisiyene-siyene kujatikizya Jesu alimwi akuyiisya kwakwe. Mbuti mbomunga mwaingula ikuti naa mwatambwa kuti mwiiye kulinguwe? [Amana kwiingula, amubale Matayo 11:29.] Ndasyoma inga mwakkomana ikubala kutamba ooku kuli mucibalo eeci caamba kuti ‘Mwiiye Kwangu,’ cili mumagazini eeyi. Citondezya Jesu mbwayandisya bululami, ambwakusuIaika kutalulama alimwi abube bumbi buyandika mbwaakatondezya ciindi naakali kweendelezya bantu batalondokede eelyo naakali anyika.”
Galamukani! Jan. 8
“Sena tamuzumini kwaamba kuti kutegwa tube abuumi bwakuliiba tuyandika kujana zyakulya zitakonzyi kutuletela penzi alimwi izizwa kumuntu uusyomeka? [Amulindile bwiinguzi.] Amubone Leza ncaakasyomezya bantu bakwe kaindi kuciindi ca Bbaibbele. [Amubale Levitiko 26:4, 5.] Magazini eeyi ya Galamukani! ibandika makani aajatikizya kulibilika nkobajisi bantu sunu kujatikizya zyakulya zyesu. Alimwi lilatondezya kuti ciyoosika ciindi Leza naatiikatukwabilile munyika yoonse mboizulwa.”
Ngazi Yamulindizi Jan. 1
“Sena kuli nomwakalibuzyide kaambo kapa bantu bamwi kuti kabajana kabotu mubuumi kakuli bamwi cilabayumina kujana zintu nzyobayandika? Ibbaibbele lilijisi bwiinguzi kujatikizya makani aaya. [Amubale Jobu 34:19.] Eeyi magazini ilapandulula makanze aa Leza ambwayookumanizya kwaandaana kuliko akati kabantu.”
Galamukani! Jan. 8
“Toonse tulilizyi penzi eeli lyakanyonganya bantu nyika yoonse mboizulwa. Kuzwa ciindi eeco, ibantu bali kuyandika luumbulizyo alimwi alugwasyo lunji kapati. Akati kazintu zibandaukwa, icibalo eeci cipandulula ncobali kucita Bakamboni ba Jehova ikutegwa bagwasilizye baabo ibakafwutuka, ababelesi bagwasilizya ciindi cantenda alimwi abaabo ibakafwidwa bayandwa babo.”