Nzyomweelede Kwaamba Kujatikizya Mamagazini

Ngazi Yamulindizi May 1

“Mulakonzya kuzumina kuti Leza tanaakatulenga mbuli mincini iiteelwa limwi pe, tulaangulukide kulisalila kucita zintu mbotuyanda alimwi akusala camaano kutegwa tucite cintu cibotu. Pele ino nkuli nkotukonzya kujana malailile aagwasya kutegwa tucikonzye kusala kabotu? [Amulindile bwiinguzi.] Ibbaibbele lilijisi bwiinguzi [Amubale Isaya 33:22] Eeyi magazini ya Ngazi Yamulindizi ilijisi cibalo citugwasya kubona mbuli mbotukonzya alimwi akaambo ncotukonzya kugwasyigwa amilawo ya Leza alimwi anjiisyo zyakwe.”

Galamukani! May 8

“Ibantu banji mazuba aano balazwa muzikombelo akukomba Leza munzila njobayanda beni. Ino mulimvwa buti kujatikizya cilengwa eeci? [Amulindile bwiinguzi.] Ibbaibbele lilatondezya Leza mbuli mbwayelede kukombwa. [Amubale Johane 4:24.] Eeyi Galamukani! ilatondezya inzila mbotu iini-ini njotweelede kutozya kutegwa katulanganizyigwa kabotu munzila yakumuuya.”

Ngazi Yamulindizi May 1

Sena kuli muntu ngomuzyi uuciswa kapati naa mulema? Cakutadooneka, mulazumina kuti bantu bali boobo bayandika kuyumya-yumya. Pele ino ncinzi ncotukonzya kwaamba ikutegwa tubayumye-yumye? Ibbaibbele lilijisi majwi aapa bulangizi. [Amubale Isaya 35:5, 6.] Eeyi Ngazi Yamulindizi ilapandulula ncotweelede kusinizya kuti businsimi oobu buya kucitika ncobeni.”

Galamukani! May 8

“Mumwaka ooyu wamana, luumuno lwanyonganyizyigwa kapati kwiinda lyoonse. Sena muyeeya kuti luumuno munyika yoonse lulakonzya kuletwa amfwulumende zyabantu? [Bamana kwiingula, amubale Isaya 2:4.] Eeyi Galamukani! ilatondezya ikaambo ncotweelede kusyoma kuti luumuno lwamunyika yoonse luyakuba ncobeni ino-ino.”