Nzyomweelede Kwaamba Kujatikizya Mamagazini

Ngazi Yamulindizi May 1

“Mumyaka yaino-ino, ibantu banji babona mbozitabikkilwi maano zyeelelo zyamu Bbaibbele. Sena tabusyi na? [Amulindile bwiinguzi. Mpoona amubale Intembauzyo 119:105.] Zyeelelo zyamu Bbaibbele zilakonzya kubagwasya bantu kutantamuka ntenda zinji mubuumi. Eeyi magazini ilatondezya nkozikonzya kujanika zyeelelo zini-zini zyamu Bbaibbele.”

Ngazi Yamulindizi May 1

“Leza ulabakkomanina bantu boonse basala kumutobela alimwi ibakazya Diabolosi. Sena mulayanda kuba akati kabantu aaba? [Amulindile bwiinguzi. Mpoona amubale Tusimpi 27:11] Eeyi magazini ilapandulula nzila mbuli bana alimwi abapati mbobakonzya kutondezya kulombozya nkobajisi kwakukkomanisya Mulengi wabo muzintu zyoonse zyobacita. Eeyi magazini njiyanu, amubweze.”

Ngazi Yamulindizi May 1

“Kuli mibuzyo imwi bantu njobatakonzyi kwiingula. Amubone citondezyo eeci. [Amubale Jobu 21:7.] Sena kuli nomwakajisi mubuzyo ngomwakali kuyanda kubuzya Leza? [Amulindile bwiinguzi.] Eeyi magazini ilapandulula mbuli bantu munyika yoonse mbobacikonzya kujana bwiinguzi bukkazika moyo kumibuzyo yotatwe iiyandika kapati mubuumi.”

Ngazi Yamulindizi May 1

“Ncinzi ncomunga mwaamba alugwalo oolu? [Amubale 2 Ba-Korinto 1:3, 4] Ino mbuti muntu mbwakonzya kuumbulizyigwa munyika eeyi yamapenzi? [Amulindile bwiinguzi.] Izibalo eezi zyobilo zili mumagazini eeyi zyilaamba bantu bamwi mbobakazumanana cakutazungaana nokuba kuti bakali mumapenzi. Mulakonzya kukkomana ikubala mbuli mbobakacita.”