Miswaangano Yacooko aya Masi Itukulwaizya Kumulemeka Leza!

Imiswaangano Yacooko aya Masi ya “Amumulemeke Leza” yali kucitwa kusikila sunu yapa bumboni butaambiki. Eeyi miswaangano mipati yeendelezyegwa a Leza yacitwa kutegwa tulemeke zina lya Jehova akuyungizya luzibo ndotujisi ‘mukupa Jehova bulemu bweelede izina lyakwe.’ (Int. 96:8) Mmasimpe ulayandika kulemekwa nkaambo kamilimo yakwe yakulenga iigambya yalo iitondezya ibube bwakwe bubotu kapati.—Job. 37:14; Ciy. 4:11.

Kwiinda mukubelesya mibuzyo iilaansi aawa kubikkilizya atwaambo ntumwakalemba, amulibambilile limwi akutola lubazu mwanooyinduluka pulogilamu yamuswaangano iiyoocitwa munsondo ya October 20.

1. Ino mbuti zintu zitaponi mbozimulemeka Leza, alimwi nkwiindana nzi kuliko ambubamutembaula bantu? (Int. 19:1-3; “Ibubumbo Bwaambilizya Bulemu bwa Leza”)

2. Ino mazubaano kusanduka kwiiminina nzi, alimwi ino Banakristo sunu bayumizyigwa buti akuzuzikizyigwa kucitika? (Makani aantalisyo aakuti, “Izilengaano Zyabusinsimi Bulemu Zilatuyumya!”)

3. Mbuti mbotukonzya kulicesya mbuli bwakacita musinsimi Daniele, alimwi mbubotu nzi mbotuya kujana mukucita boobo? (Dan. 9:2, 5; 10:11, 12; “Ibulemu bwa Jehova Bulayubununwa Kuli Baabo Babombe”)

4. (a) Ino nzintu nzi zyotatwe zijatikizya lubeta lwa Leza nzyotukonzya kwiiya kubusinsimi bwa Amosi? (Am. 1:3, 11, 13; 9:2-4, 8, 14) (b) Ino nciiyo nzi cigwasya ncobakonzya kwiiya Bakamboni ba Jehova sunu kuzwa kukucenjezya kujanika kuli Amosi 2:12? (“Ibusinsimi bwa Amosi—Ncobwaamba Mazuba Aano”)

5. (a) Ino mbubi nzi bukonzya kujanika mukunywa bukoko cakwiindilizya nokuba kuti muntu takolwi? (b) Ino penzi lyakunywa cakwiindilizya inga lyamanwa buti? (Mk. 9:43; Ef. 5:18; “Mutabi Bacakolwa”)

6. Ino nimpindu nzi njomujana mubbuku lipya lyakuti, ‘Atubone Nyika Mbotu’? (“Nyika Imbotu—Mbwiiyakuba Paradaiso Iboola”)

7. Muunzila nzi zyotatwe motukonzya ‘kutondezya bulemu bwa Jehova mbuli zimbonimboni’? (2 Kor. 3:18; “Amutondezye Bulemu bwa Jehova Mbuli Zimbonimboni”)

8. Ncinzi cipa kusulwa, alimwi ncinzi cikonzya kutugwasya kuzumanana kusyomeka nikuba kuti tulasulwa? (Int. 109:1-3; “Ibasulidwe Kakunyina Kaambo”)

9. Ino Kristo ubulanga buti bupati, alimwi ino inga muntu waziba buti mpayelede kubelekela? (Mt. 20:20-26; “Ikulanga Bupati Mbuli Mbwaakali Kubulanga Kristo”)

10. Ino ncinzi cikonzya kutugwasya kutegwa tuyume kumuuya nikuba kuti tulawizuka? (“Ibakatede Pele Ibatawizukide”)

11. Ino muunzila nzi zimwi Saatani mwacita kuti ikubeja kwakwe kuyaambele, alimwi ino mbwiinguzi nzi bwamu Magwalo bukonzya kutugwasya kwiingula baabo ibasoleka kunyonyoona lusyomo lwesu? (Joh. 10:5; “Amulicenjelele ‘Ijwi Lyabeenzu’”)

12. (a) Ino mbuti bazyali mbubakonzya kutobela cikozyanyo ca Jesu cilembedwe kuli Marko 10:14, 16? (b) Ino ncinzi ncomuyanda mubbuku lipya lyakuti, Amwiiye ku Mwiiyi Mupati? (“Bana Besu—Ndukono Lubotu”)

13. Ino mbuti bakubusi mbobamutembaula Jehova? (1 Tim. 4:12; “Bakubusi Mbobali Mukutembaula Jehova”)

14. Nzibeela nzi zyamucisobano cakuti, “Ikukambauka Cabusicamba Muciindi Cakukazyigwa” nzyomuciyeeya?

15. Mbuti mbotukonzya kwiiya cikozyanyo cakasiya (a) Petro a Johane? (Inc. 4:10) (b) Stefano? (Inc. 7:2, 52, 53) (c) imbungano ya Banakristo bamumwaanda wamyaka wakusaanguna? (Inc. 9:31; mucisobano cakuti, “Amwaambilizye Makani Mabotu ‘Cakutaleka’’’)

16. (a) Muunzila nzi motwakasyomezya kumulemeka Leza? (b) Notucita nzitwakayiya ku Miswaangano ya “Amumulemeke Leza,” ncinzi ncotukonzya kusinizya? (Joh. 15:9, 10, 16; “‘Kamuzyalisya Micelo’ Kutegwa Jehova Alemekwe”)

Kwiinda mukuzinzibala kuyeeya malailile aakumuuya mabotu ngotwakaiya kumuswaangano, tukulwaizyigwa kuzibelesya zintu nzyotwakaiya. (Flp. 4:8, 9) Eeci cituyumya kucita “zyoonse cakuti kube bulemu kwa-Leza.”—1 Kor. 10:31.