Nzyomweelede Kwaamba Kujatikizya Mamagazini

Ngazi Yamulindizi Apr.1

“Eelyo notuli mumapenzi naa notubona muyandwa wesu kali mukupenga, tacili cintu ceenzu pe ikunyongana mumizeezo, kubijilwa alimwi akulimvwa kulekelezyegwa. Sena kuli nomwakalimvwide boobo? [Amulindile bwiinguzi.] Amubone lugwalo oolu mbolupandulula mbwalimvwa Leza ambwacita kubantu balilauka akaambo kakudyaamininwa. [Amubale Kulonga 3:7, 8a.] Eeyi magazini ilijisi makani ayumya lusyomo lwesu muli Leza, katuzyi kuti mufwutuli wabantu bakwe.”

Ngazi Yamulindizi Apr.1

“Mazubaano bantu bacita zintu zyakali kweelebwa myaaka yainda, imicito iikasyigwa mu Jwi lya Leza alimwi yakali kubonwa kuti ilatondwa. Ino ncinzi ncotunga twacita kutegwa tutanyonganisyigwi azintu zibyaabi? [Amulindile bwiinguzi. Mpoonya amubale Ba-Hebrayo 2:1.] Mbotuli bantu batalondokede, tuyandika busolozi bubotu kutegwa tuzilwane zintu zyamunyika eeyi.”

Ngazi Yamulindizi Apr.1

“Mmasyoonto mabbuku aletela kulibilika aluyandisisyo mbuli bupanduluzi bunyonganya bwamu Bbaibbele bwaamba bulembo bwacinyama. Sena kuli nomwakabumvwide kale? [Amulindile bwiinguzi. Mpoonya amubale Ciyubunuzyo 13:16-18.] Ibbaibbele kuligama lilijisi nzila zyakusalazya bupanduluzi bukatazya bwamakani aaya. Magazini eeyi ilazipandulula nzila eezyo.”

Ngazi Yamulindizi Apr.1

“Nyika mboiya buzumanana ikucinca, andiswe tulacinca munzila zinji. Tulakomena kuzwa kubwana kusikila kubupati, tulajana naa kusweekelwa lubono, kucinca kwabuumi alimwi akusweekelwa bayandwa besu. Ino ncinzi ncotunga twacita kutegwa tuliyumye? [Amulindile bwiinguzi. Mpoonya amubale Ba-Filipi 4:12,13.] Mbwanga kucinca kunji koonse ooku kulacitika akaambo kakubula ncotunga twacita, ikuti twasyoma Leza, uyootugwasya kuzwidilila mukwaalwana mapenzi aaya. Imakani aali mumagazini eeyi alakonzya kumukulwaizya.”