Kabbokesi Kamubuzyo

◼ Ino mbuti aumwi mbwakonzya kutambula mamagazini aamugeme aa Galamukani! a Ngazi Yamulindizi?

Mbwaanga bubambe bwakulembya mabbuku, makkaseeti aa Ngazi Yamulindizi a Galamukani! mumilaka yoonse bwakacinca, basikumwaya boonse beelede kubweza mamagazini amakkaseeti kwiinda mumbungano yabo. Kulilembya kulakonzya kuba kumamagazini Aaboofu alimwi amakkaseeti aabambilwa baabo basika azyeelelo ziyandika. Amubone kuti mbungano zilakonzya koonda mamagazini amakkaseeti afoomu ya Maoda Aambungano (M-202). Mamagazini aamulaka wakunze aacisi, mabbuku aamabala mapati-pati amulaka wakutambaika aalo ayelede koodwa kwiinda mukubelesya foomu njoona eeyi.

Ikuti muntu umwi mucilawo canu walomba kuti kamumutolela mamagazini lyoonse, mwalombwa kucita oobo cakufwaambana kutegwa ataindwi noiba yomwe. Bantu bagusyidwe mumbungano balakonzya kubweza mamagazini naa mabbuku aambi aakubelesya beni aabwezelwa mamagazini alimwi amabuku ku Ŋanda ya Bwami. Bantu bagusyidwe mumbungano tabeelede kutolelwa mamagazini.

Mabbuku alikke aakulembya ngobayobola mufailo bakumutabi ngabaabo batakonzyi kusikilwa asikumwaya wamumbungano kwiinda mukumutolela mamagazini lyoonse. Ikuti Kkomiti Yamulimo Yambungano yalemba kulomba kulembesya muntu umwi uutakonzyi kujana mamagazini, mulembi weelede kulemba mubufwaafwi makani atondezya kuti kulembya ooku kwakalangwa-langwa akuzuminizyigwa aba Kkomiti Yamulimo Yambungano.

Eeci caamba kuti basikumwaya tabeelede kulembela baku ofesi lyamutabi kulomba kulilembya. Kulomba kuli koonse kwakulembya kwamamagazini kucitwa abasikumwaya naa bantu bajisi luyandisyisyo kuyoopilusyigwa kumbungano.

◼ Ino mbuti muntu uuli muntolongo mbwakonzya kutambula mamagazini?

Ikuti mbungano iilanganya mulimo wakukambauka kuntolongo kiikonzya kupa mamagazini kubantu bali muntolongo, nkokuti sintolongo ulakonzya kutambula mamagazini aamugeme aa Ngazi Yamulindizi a Galamukani! kwiinda muli basikumwaya babaswaya. Ikuti eeci kacitakonzyeki, sintolongo ulakonzya kulembya mamagazini kwiinda mukulembela kuofesi lyamutabi. Amubone kuti bantu bagusyidwe mumbungano bali muntolongo abalo balakonzya kutambula mamagazini mbubwenya mbokwatondezyegwa mumuncali ooyu.