Nzyomweelede Kwaamba Kujatikizya Mamagazini

Ngazi Yamulindizi Aug. 1

Tobantu cimwi ciindi tulalomba lulayo naa lugwasyo kuli bamwi. Sena muyeeya kuti cilayandika kululanga-langa lulayo oolo nokuba kuti lwapegwa amulongwe wesu uuyandisya kutugwasya? [Amulindile bwiinguzi.] Eeyi magazini ilalanga-langa izyakacitika izili mu Bbuku lyamu Bbaibbele lya 1 Bami ciindi bamwi nobakakakilwa kuziba ncobakali kuyeeya aabo bakabapa lulayo acakatobela. Amubale 1 Bami 12:8, 19.

Ngazi Yamulindizi Aug. 1

Inyika yoonse mbwiizulwa kuli tuulunzuma twabantu ibanjila cikombelo alimwi ibayanda kusyomeka nobasunkwa. Sena kuli nomwakalibuzyide kujatikizya zintu nzyayandika kuti mukombi kasyomeka? [Amulindile bwiinguzi. Mpoonya mubale Luka 16:10.] Eeyi magazini itondezya kuti kuzwiidilila mumasunko mapati takali nkakaambo kalikke ikatondezya kuti tulasyomeka.

Ngazi Yamulindizi Aug. 1

“Ibantu banji sunu balimvwa kuti tabayandiki. Ncinzi ncomuyeeya kuti cilakonzya kucitwa ikutegwa bagwasyigwe? [Amulindile bwiinguzi.] Imagazini eeyi ilaamba Bbaibbele mbolikonzya kugwasya bantu bali boobo ikujana lukkomano lwini-lwini.” Amubatondezye magwalo alembedwe mumabala aasiisya asendekedwe mucibalo cakuti “Ibbaibbele Lilakonzya Kumugwasya Kujana Lukkomano Lwini-Lwini.”

Ngazi Yamulindizi Aug. 1

Mazubaano ibantu banji bayeeya kuti Leza tabikkili maano kumapenzi ngobajisi bantu. Sena kuli nomwakalimvwide boobo? [Amulindile bwiinguzi. Mpoonya mubale Matayo 10:30.] Eeyi magazini ilalanga-langa kaambo aaka kafwaafwi pele kapati nkaakaamba Jesu. Tulijisi lusyomo lwakuti mbwaanga Leza ulaazyi alimwi ulakonzya kwaabala masusu oonse, Ulabikkila maano kubuumi bwesu.