Nzyomweelede Kwaamba Kujatikizya Mamagazini

Ngazi Yamulindizi Sept. 1

“Ikuti naa mwalombwa kubandika a Leza kujatikizya cintu cili coonse, ino ncinzi ncomunga mwasaanguna kumwaambila? [Amulindile bwiinguzi.] Notuyeeya kujatikizya zintu zyoonse nzyaatucitila alimwi anzyayootucitila kumbele, tweelede kukulwaizigwa kumutembaula. Magazini eeyi (iibandika lugwalo lwa Intembauzyo 73 kusikila ku 106) ilatondezya mbuli sintembauzyo mbwaakacita oobo.” Amubale Intembauzyo 106:1.

Awake Aug.

“Sena muyeeya kuti kuli notuyoobabona alimwi bayandwa besu bafwide? [Amulindile bwiinguzi.] Amubone Jesu ncaakasyomezya kujatikizya bafwide. [Amubale Johane 5:28, 29.] Cibalo eeci cilapandulula kuzwa mu Bbaibbele cicitika twafwa.” Amubatondezye cibalo citalikila apeeji 28.

Ngazi Yamulindizi Sept. 1

“Bantu banji balazyingwa ikuti naa Jwi lya Leza lilakonzya kubagwasya aabo bali mumapenzi. Ino nywebo muyeeya buti? [Amulindile bwiinguzi.] Magazini eeyi ibandika mwaalumi wakamaninwa lubono lwakwe alimwi akufwidwa bana bakwe boonse, kuzwa waawo wakaciswa bulwazi bupenzya kapati. Alimwi ilatondezya cikozyanyo cakwe cakusyoma muli Leza mbocikonzya kutuumbulizya.” Amubale Ba-Roma 15:4.

Awake Sept.

“Bantu banji balazyingwa naa mmakani aasayaansi kusyoma muli Leza. Ino nywebo muyeeya buti? [Amulindile bwiinguzi. Mpoonya amubale Ba-Hebrayo 3:4.] Awake! yaalubazu eeyi ilalanga-langa bumboni bwapa kuti basisayaansi basyome kuti kuli Mulengi.”