Nzyomweelede Kwaamba Kujatikizya Mamagazini

Ngazi Yamulindizi July–Sept.

“Makani amwi aazizilwe kapati aamu Bbaibbele ngayaayo aajatikizya Nowa alimwi a Zambangulwe. Sena muyeeya kuti Zambangulwe lyakacitika ncobeni? [Amulindile bwiinguzi.] Jesu wakaamba kuti ncintu cakacitika ncobeni. [Amubale Luka 17:26, 27.] Magazini eeyi ipa twaambo tupa kwaasyoma makani aa Zambangulwe alimwi ilapandulula ziiyo ziyandika nzyotukonzya kwiiya.”

Sinsimuka! July–Sept.

“Cakutadooneka mulazumina kuti ciindi cabukubusi nciindi cikatazya kapati kubakubusi alimwi akubazyali babo. Sena muyeeya kuti kutobela lulayo oolu inga cayungizya luzyibo ndobajisi bazyali lwakulela bana? [Amubale Jakobo 1:19. Mpoonya amulindile bwiinguzi.] Muya kwaakkomanina malailile aagwasya aazwa mu Bbaibbele alo aali mumagazini eeyi.”

Ngazi Yamulindizi July–Sept.

“Sena muyeeya kuti bantu balakonzya kuba acilongwe a Leza Singuzuzyoonse? [Amulindile bwiinguzi. Mpoonya amubale Johane 11:33.] Cibalo eeci cilapandulula kaambo ncotukonzya kuba masimpe kuti Leza ulayanda kuti tuswenenene kulinguwe.” Amubatondezye cibalo citalikila apeeji 28.

Sinsimuka! July–Sept.

“Sena muyeeya kuti tupona muciindi icaambwa waawa? [Amubale 2 Timoteo 3:1-4. Mpoonya amulindile bwiinguzi.] Cilayandika kapati kwaabikkila maanu mazuba aakumamanino nkaambo kubako kwangayo caamba kuboola kwazyintu zibotu anyika. Magazini eeyi ncoipandulula eeci.”