Nzyomweelede Kwaamba Kujatikizya Mamagazini

Ngazi Yamulindizi Sept. 1

“Munyika iizwide mapolitikisi aatasitikide, kutalilemeka, milandu, kubula mali, milimo yazyigwebenga alimwi ankondo, sena tulakonzya kujana bantu bajisi bulangizi bwini-bwini bwakumbele? [Amulindile bwiinguzi.] Mubukkale buli boobu, elo kaka cilakatalusya kusyomezyegwa a Jwi lya Leza kuti kuyooba bukkale bubotu ibubi nobutakabi! [Amubale 2 Petro 3:10.] Eeyi magazini ilatondezya mbuli babelesi ba Leza sunu mbobazumanana abulangizi bwini-bwini bwakumbele.”

Ngazi Yamulindizi Sept. 1

“Amuyeeyele buyo, ino inga waba mukuli uuminya buti ikuti mulimo ngotucita naatali kuukkomanina Leza? [Amulindile bwiinguzi.] Kubbuku lya Mika 6:8, twiiya Leza zyayanda kuti tucite. [Amubale lugwalo.] Eeyi magazini ilatondezya mbocikatalusya ikukomba Leza uuzyi aagolela nguzu zyesu.”

Ngazi Yamulindizi Sept. 1

“Ibunji bwabantu bayeeya kuti izikombelo ziindene-indene ninzila buyo iziindene izisololela kubusena bomwe. Ibamwi basyoma kuti, kuli buyo cikombelo comwe cini-cini. Sena kuli nomwakalibuzyide kale zyamakani aaya? [Amulindile bwiinguzi.] Eeyi magazini ilapandulula cikozyanyo cansiku cijatikizya mubuzyo ooyu.” Amupandulule izili ku Matayo 13:24-30.

Ngazi Yamulindizi Sept. 1

“Sena kuli nomwakakatazyidwe akuyeeya mbocili cuuba-uba kulyaamba buyo kuti ndilasyoma muli Leza kakuli nciyumu kutondezya milimo yesu ikapati notuli mubuyumuyumu? [Amulindile bwiinguzi.] Tweelede kucita zintu ziinda waawo muciindi cakwaamba buyo kuti ndilasyoma muli Leza. Amubone ncolwaamba lugwalo oolu. [Amubale Intembauzyo 46:1] Mumagazini eeyi, kuli cibalo cijatikizya makani aaya.”