Nzyomweelede Kwaamba Kujatikizya Mamagazini

Ngazi Yamulindizi Sept. 1

Mapenzi ngotubona koonse-koonse alatulwana kapati cakuti toonse tuyandika luumbulizyo akusyomezyegwa. Ino muyeeya kuti nkuukuli nkolunga lwajanwa luumbulizyo oolo? [Amulindile bwiinguzi.] Amubone cisyomezyo eeci cili mu Lugwalo oolu. [Amubale Ba-Roma 8:35, 39.] Imagazini eeyi ilatugwasya kuzyilanga kabotu zintu notuyaanya mapenzi.

Ngazi Yamulindizi Sept. 1

“Toonse tulakuyanda kukkomana. Sena muyeeya kuti zintu zyaambwa waawa inga zyatuletela ncobeni lukkomano? [Amubale Matayo 5:4a, 6a, 10a. Mpoonya amulindile bwiinguzi.] Imagazini eeyi ilapandulula ncaamba majwi aayo aazyibidwe kapati aa Mulumbe waa Cilundu. Alimwi ilapandulula cipa lukkomano.”

Ngazi Yamulindizi Sept. 1

“Tabali bantu boonse basala zintu zikozyene naa nzyobayanda. Sena muyeeya kuti zintu zyaambwa waawa zileendelana akaambo aaka? [Amubale Ba-Roma 15:6. Mpoonya amulindile bwiinguzi.] Imagazini eeyi ilapandulula ncaamba majwi aayo aa Mwaapostolo Paulo.”

Ngazi Yamulindizi Sept. 1

“Toonse tulayandisya kukomba Leza munzila iimukkomanisya. Sena muyeeya kuti kuli majwi aabeenzu aalo bakombi ngobeelede kucenjelela kutegwa atabanyonganyi? [Amulindile bwiinguzi. Mpoonya Amubale Johane 10:5.] Imagazini eeyi ilapandulula majwi aayo aabeenzu aambwa mazubaano alimwi ankwaazyila.”