Nzyomweelede Kwaamba Kujatikizya Mamagazini
Ngazi Yamulindizi Sept. 1
“Ino muyeeya kuti ndusyomo nzi lusumpukide kapati? [Amulindile bwiinguzi.] Cibalo eeci cilatondezya mbociyandika kapati kusyomeka kuli Leza wakasimpe. [Amujule apeeji 5 alimwi akubala lugwalo lwa 2 Samuele 22:26.] Sena mulizi kuti kusyomeka kuli Leza kulakonzya kubagwasya bantu kuteendelezya bamwi munzila yalunya? Tandidooneki pe kuti mulabotelwa kwaabala makani aaya.”
Galamukani! Sept. 8
“Sena kuli nomwakalibilikide kuti penzi ndyobajisi bantu lyakusofwaazyigwa kwacilawo kunyina noliya kumana? [Amulindile bwiinguzi.] Icintu cipati caleta penzi eeli mbunyonyoosi. Jesu wakayiisya basikumutobela bakwe kutanyonyoona zintu. [Amubale Johane 6:12.] Eeyi magazini ilatondezya mbuli kutobela njiisyo zyamu Bbaibbele mbokukonzya kugwasya mikwasyi kweeleba kuba amuuya wakusowa cisowe-sowe zintu.”
Ngazi Yamulindizi Sept. 1
“Sena mulibwene kuti mumasena manji bantu tabazyibene kabotu pe abasimukobonyina mbuli mbocakabede kaindi? [Amulindile bwiinguzi.] Jesu wakaamba njiisyo iiyandika kapati kutegwa tube bantu bali kabotu kuli basimukoboma. [Amubale Matayo 7:12.] Zibalo eezi zilatondezya mbotukonzya kuba bantu bali kabotu kuli basimukoboma alimwi akukulwaizya bamwi kucita mbubonya.”
Galamukani! Sept. 8
“Ibantu banji sunu tabajisi bulangizi. [Amubale Mukambausi 9:11.] Ino nkuukuli busolozi bubotu nkobukonzya kujanwa? [Amulindile bwiinguzi.] Bamwi balanga kuli basimasalamuzi. Sena eeyi njenzila iikonzya kumugwasya kuziba ciya kumucitikila kumbele? Ino nkuukuli nkomukonzya kujana makani aasyomeka kujatikizya zintu zyakumbele? Galamukani! eeyi ilapa bwiinguzi.”