Nzyomweelede Kwaamba Kujatikizya Mamagazini
Ngazi Yamulindizi Aug. 1
“Bunji bwaziindi tobantu tulimvwa kuti zibi zyesu zyavwula kapati naa nzipati cakuti Leza takonzyi kutulekelela. Sena kuli nomwakalimvwide oobo? [Amulindile bwiinguzi.] Ibbaibbele litusyomezya boobu. [Amubale Isaya 55:7.] Magazini eeyi ilapandulula mbotukozya kuziba ikuti naa inga twalekelelwa cibi eeco naa pe.”
Awake July
“Bantu banji balapona buumi kweelana ambobakonzya akulimvwa kuti cilayandika kuba muntu uuli kabotu. Sena oobo mbomuyeeya? [Amulindile bwiinguzi.] Amubone ntenda iikonzya kuba ikuti nzyotubona kuti nzibotu kaziindene ambwazibona Leza. [Amubale Tusimpi 14:12.] Cibalo eeci cilapandulula ncocaamba kuba muntu uuli kabotu mumeso aa Leza.” Amubatondezye cibalo citalikila apeeji 20.
Ngazi Yamulindizi Aug. 1
“Ndiyanda kumvwa mbomuyeeya kumakani ngaakaamba Jesu. [Amubale Matayo 5:3.] Sena muyeeya kuti zintu zyakumuuya zilayandika kutegwa mube aluumuno? [Amulindile bwiinguzi.] Magazini eeyi ilatondezya ncolyaamba Bbaibbele kujatikizya zintu zyakumuuya zini-zini ambotunga twazijana.”
Awake Aug.
“Ino muyeeya kuti nkukuli bazyali nkobakonzya kujana malailile aakonzya kubagwasya ncobeni? [Amulindile bwiinguzi.] Amubone cisyomezyo eeci caambidwe mu Bbaibbele. [Amubale 2 Timoteo 3:16.] Magazini eeyi ilatondezya Bbaibbele mbolikonzya kubagwasya bazyali mukukomezya bana bakkomene.”