Nzyomweelede Kwaamba Kujatikizya Mamagazini

Ngazi Yamulindizi July–Sept.

“Makani amwi aazizilwe kapati aamu Bbaibbele ngayaayo aajatikizya Nowa alimwi a Zambangulwe. Sena muyeeya kuti Zambangulwe lyakacitika ncobeni? [Amulindile bwiinguzi.] Jesu wakaamba kuti ncintu cakacitika ncobeni. [Amubale Luka 17:26, 27.] Magazini eeyi ipa twaambo tupa kwaasyoma makani aa Zambangulwe alimwi ilapandulula ziiyo ziyandika nzyotukonzya kwiiya.”

Sinsimuka! July–Sept.

“Kukomezya bana ncintu ciyumu kapati, ikwaambisya ciindi mwana nakubuka. Ino muyeeya kuti nkukuli bazyali nkobakonzya kujana lulayo lugwasya? [Amulindile bwiinguzi. Mpoonya amubale Isaya 48:17, 18.] Magazini eeyi yaamba nzila zimwi zyamazuba aano zikonzya kugwasya bazyali kucita zyintu cabusongo alimwi cabupampu.”

Ngazi Yamulindizi July–Sept.

“Kuvwula kwantenda zilicitikila izicitika mumazuba eesu kwapa kuti bantu bamwi bayeeye kuti Leza ulimukutusubula. Ino muyeeya buti? [Amulindile bwiinguzi. Mpoonya amubale 1 Johane 4:8.] Cibalo eeci cilapandulula ikaambo Leza ncatali nguuleta kupenga kucitika akaambo kantenda zilicitikila.” Amubatondezye cibalo cili apeeji 8.

Sinsimuka! July–Sept.

“Bantu banji mazuba aano balaayoowa mazuba aakumbele. Sena muyeeya kuti zyintu ziyoobota, naa kuti ziyooyindila kubija? [Amulindile bwiinguzi. Mpoonya amubale Ciyubunuzyo 21:3, 4.] Eeyi magazini ilapandulula ncotukonzya kusyoma kuti Leza uyoowamanya mapenzi mapati alo muntu ngaatakonzya kululamika.” Amubatondezye cibalo citalikila apeeji 12 kuyoosika kucibalo citalikila apeeji 17.