Nzyomweelede Kwaamba Kujatikizya Mamagazini

Ngazi Yamulindizi Nov. 1

“Akaambo kakulibona kuti balabainda bamwi akaambo kazintu nzyobakonzya kucita, buvwubi naa mikuli njobajisi, bantu banji batalika kulibikka mpobateelede, icapa kulisumpula. Sena muyeeya kuti kulagwasya kweeleba muuya wakulisumpula? [Amulindile bwiinguzi. Mpoonya mubale Tusimpi 16:18.] Ikulanga-langa cibalo cili mumagazini eeyi cijatikizya Leza mbwaakabacita bantu ibakali kulisumpula musyule kulakonzya kugwasya.”

Ngazi Yamulindizi Nov. 1

“Sena kuli muleli naa mwami ngomuzyi uukonzya kubikkila maano kubantu buyo alimwi bapengede uunga wabaumbulizya akubayumya-yumya? [Amulindile bwiinguzi.] Eeyi magazini ilatondezya mwami wakujulu aansi mbwakonzya kucita oobo. Aboobo upa cikozyanyo cibotu kapati cijatikizya kulicesya.” Amubale Isaya 57:15.

Ngazi Yamulindizi Nov. 1

“Bantu banji balipengede akaambo kakutalulama ikuli munyika. Sena muyeeya kuti kuli muntu ukonzya kwiicinca ncobeni nyika? [Amulindile bwiinguzi.] Eeyi magazini ilalanga-langa icipa kuti kutabi kucinca. Alimwi ilaamba muntu uyoogusya zintu izipa kuti kutabi kucinca alimwi ambwayooleta luumuno lwini-lwini akuliiba munyika.” Amubale Intembauzyo 72:12-14.

Ngazi Yamulindizi Nov. 1

“Kanjikanji bantu balakkalwa moyo kweenda amuntu ngobasyoma kuti ulakonzya kubagwasya ikapati naa kauli musinzo mulamfwu. Ncinzi ncomukonzya kucita ikuti naa mwaambilwa kuti cilakonzyeka kweenda a Leza? [Amulindile bwiinguzi. Mpoonya mubale Isaya 30:21.] Eeyi magazini ilijisi zikozyanyo zyabantu ibakeenda a Leza alimwi acakapa kuti bacite oobo. Alimwi ilaamba mapenzi aaliko mukulyeendela kakunyina kweendelezyegwa a Leza.”