Nzyomweelede Kwaamba Kujatikizya Mamagazini

Ngazi Yamulindizi Nov. 1

“Ino inga mwabapandulwida buti bana naa bantu bamwi ikaambo zintu zibyaabi ncozili mukucitika mazubaano? [Amulindile bwiinguzi.] Ibbaibbele lilapa bwiinguzi kumubuzyo wakuti, ‘Ino Nguni Uuleta Bubi Boonse?’ [Amubale bbuku lya 1 Johane 5:19.] Eeyi Ngazi Yamulindizi ilamugwasya kumuzyiba muntu mubyaabi ooyo alimwi ambotukonzya kumukazya.”

Galamukani! Nov. 8

“Sena muyeeya kuti mipailo njobapaila basololi bazikombelo naa bantu bamwi buyo ilakonzya kuleta luumuno munyika? [Amulindile bwiinguzi.] Ibbaibbele lisyomezya ciindi nokuya kuba luumuno munyika yoonse mbwiizulwa. [Amubale bbuku lya Isaya 9:6, 7.] Sena mwabona kuti imweendelezi uulibedelede uya kuleta luumuno munyika? Eeyi Galamukani! ilamwaamba mweendelezi ooyo alimwi ambwayooleta luumuno lwini-lwini.”

Ngazi Yamulindizi Nov. 1

“Ibunji bwesu tulasolekesya kubamba cilongwe abantu bamwi. Ambweni mulakonzya kuzumina kuti kanjikanji kucaamba ncuuba-uba, pele kucicita nciyumu, embo naa? [Amulindile bwiinguzi.] Ibbaibbele lilapandulula ncocili boobu. [Amubale bbuku lya Jakobo 3:2.] Eeci cibalo cilatondezya kulilekelela mbokunga kwagwasya kapati kupilusya alimwi akubamba luumuno.”

Galamukani! Nov. 8

“Ibusinsimi bwa Bbaibbele butondezya kuti iciindi ciyoosika nokutakooyooba muntu naba omwe uya kwaamba kuti, ‘Ndaciswa.’ [Amubale bbuku lya Isaya 33:24.] Sena tacikabi ciindi cikondelezya eeco? [Amulindile bwiinguzi.] Nokuba boobo, bantu mazubaano balaciswa malwazi manji, kubikkilizya abulwazi bwasikalileke naa AIDS. Eeyi Galamukani! ilaingula mubuzyo wakuti, Sena kuli nobuya kumanizyigwa bulwazi bwasikalileke?”