Nzyomweelede Kwaamba Kujatikizya Mamagazini

Ngazi Yamulindizi Nov. 1

“Sena nyika inga twaicita kuba busena bubotu kukkala? [Amulindile bwiinguzi.] Bantu basoleka mfwulumende ziindenyi-indenyi ikutegwa basumpule zintu. Pele amubone Leza mbwaamba kujatikizya makani aaya. [Amubale Jeremiya 10:23.] Eeci cibalo cilaiyubununa ‘Nzila Iisololela Kunyika Yalukkomano’ alimwi akutondezya mbuli ceeci mbociyoocitika ino-ino.”

Galamukani! Nov. 8

“Sena mulazumina kuti bantu balibonya kuba mumapenzi aataambiki kwiinda kaindi? [Amulindile bwiinguzi.] Ibbaibbele lyakacisinsima eeci. [Amubale 2 Timoteo 3:1.] Ibantu banji bwabayumina buumi cakuti balityompedwe kapati. Magazini eeyi ilijisi bwiinguzi bukulwaizya. Ilatondezya mapenzi mbwaakonzya kulwanwa alimwi ambomukonzya kubambulula buumi bwenu.”

Ngazi Yamulindizi Nov. 1

Mwamaniizya kwaamba makani aatakkomanisyi aakacitika, amubuzye kuti: “Ino nkaambo nzi bantu ncobacitila zibi zili boobu? Toonse tweelede kuzyiba kwaandaanya cibi acibotu, pele bantu bacizumanana kucita zintu zibi. Nkaambo nzi? [Bamana kwiingula, amubale Ciyubunuzyo 12:9.] Magazini eeyi ilapandulula Leza mbwaayoobumanizyila limwi bweendelezi bubyaabi bwa diabolosi.”

Galamukani! Nov. 8

“Cakutadooneka, mulazumina kuti tuli muziindi zyalupyopyongano. [Bamana kwiingula, amubale 2 Timoteo 3:3.] Kanji-kanji micito ‘yabasikanyetunyetu’ ilacitika buya amumukwasyi. Cibalo eeci cakuti, ‘Help for Battered Women,’ (Kugwasya Bamakaintu Bapenzyegwa Kapati) cilapa bulangizi mubotu. Kulakonzya kuti kamuzyi muntu ngomukonzya kwaambila makani aaya.”