Nzyomweelede Kwaamba Kujatikizya Mamagazini

Ngazi Yamulindizi Nov. 1

“Bantu banji bayeeya kuti ‘Cizuminano Cakale’ citupa makani aakaindi aagwasya. Pele tabazi naa malailile aayo acibeleka mazuba aano. Sena muyeeya buti? [Amulindile bwiinguzi. Mpoonya amubale Joel 1:14.] Magazini eeyi ilatondezya mbokuyandika kweempwa kwini-kwini akuziba Leza wini-wini kutegwa tufwutulwe mbubwenya mbocakabede mumazuba ngobakali kupona masinsimi ba Joel a Amosi.”

Awake Oct.

“Toonse twakafwidwa bayandwa besu. Sena muyeeya kuti balatweebelela kabali kujulu? [Amulindile bwiinguzi.] Amubone ncaakaamba Jesu naakafwa Lazalo. [Amubale Johane 11:11.] Cibalo eeci cilapandulula naa bafwide balapona kubusena kumwi naa baloona kulindila kuyoobusigwa.” Amubatondezye cibalo citalikila aapeeji 28.

Ngazi Yamulindizi Nov. 1

“Ikuti bantu nobakali kulibombya, sena muyeeya kuti nyika nobuli busena bubotu? [Amulindile bwiinguzi.] Amubone Jesu mbwaakaamba kujatikizya bube oobu. [Amubale Matayo 23:12.] Cibalo eeci caamba bubotu bwakuba babombe, nemuba munyika iino yamapenzi.”

Awake Nov.

“Kaindi, bantu bakali kusyoma Bbaibbele kuti libasololele. Pele sunu banji balalidooneka. Ino nywebo mulimvwa buti kujatikizya makani aaya? [Amulindile bwiinguzi. Mpoonya amubale 2 Timoteo 3:16.] Eeyi magazini yaalubazu ya Awake! itupa lusinizyo lwakuti Ibbaibbele lyakasololelwa aa Leza.”