Kabbokesi Kamubuzyo

◼ Sena cili buyo kabotu kunamatika kkeyala yesu ya e-mail kumabbuku ngotwaabila bantu?

Kwiinda mukudinda naa kunamatika kapepa, basikumwaya bamwi babikka kkeyala yabo ya e-mail kumamagazini naa matulakiti ngobaabila bamwi. Mpoonya aabo batambula mabbuku balakonzya kuzibya sikumwaya ikuti kabayanda mabbuku naa makani aambi. Ikusoleka kugwasya bantu bajisi luyandisisyo kuli boobo kulacitwa amakanze aali kabotu. Nokuba boobo, ikkeyala ya Internet iizumizidwe ikunga kwajanwa makani aambi ilitondezyedwe kale kusyule kwamamagazini amatulakiti. Aboobo, inga cainda kubota ikuti twaleka kunamatika makkeyala eesu aa e-mail kumabbuku ngotwaabila bantu.

Caboola kumakani aakupa bantu mucilawo kkeyala yanu aapepa nsini, ikwaambisya bantu nkomucita nyendo zyakupilukila, cili kuli sikumwaya aumwi kulisalila ncayoocita. Ndiswe tweelede kubweza ntaamu yakusaanguna kupilukila kuli baabo bajisi luyandisisyo muciindi cakulindila kuti bakatuzibye mbabo baakuyanda makani aambi. Ikubikkila muntu maanu kwini-kwini kulakonzya kutondezyegwa kakunyina penzi notubandika amuntu ooyo cakaanzambwene.