Akaka Amupilukile Cakufwambaana

Kupilukila cakufwaambaana kuli bani? Kuli baabo balomba mabbuku naa aabo bayanda kunootolelwa mamagazini lyoonse naa bayanda kuti bakaswaayigwe a Kamboni kuŋanda yabo. Ino mbaani aabo balomba? Mbantu balomba kwiinda mukutuma lugwalo naa luwaile antela kulembela kwiinda mukubelesya kkeyala yesu yaa Internet Web site. Ciindi luyandisisyo luli boobu nolutondezyegwa, Ofesi lyamutabi lilazyibya mbungano lili munsi-munsi ankwazwa muntu ooyo wakalomba kwiinda mukubatumina foomu ya S-70 ijisi mutwe wakuti “Chonde Sankhani Wofalitsa Woyenesedwa Kukafikira Munthuyu.” Ibaalu mbubaitambuda buyo foomu eeyi ya S-70, beelede kufwambaana kupa sikumwaya uukonzya kuyoomuswaaya muntu ooyo wakatondezya luyandisisyo. Ikuti sikumwaya ooyu wajana buyumuyumu bwakumujana muntu ooyu kuŋanda, sikumwaya ooyu inga wamutumina luwaile muntu ooyu naa kumusiila kagwalo mpobatakonzyi kukabona bantu. Ikuti mwalombwa kuti mukamuswaye muntu ooyu uutondezya luyandisisyo, mweelede kusinizya kuti mwacita oobu cakufwambaana.