Nzyomweelede Kwaamba Kujatikizya Mamagazini
Ngazi Yamulindizi July–Sept.
“Akaambo kakuvwula kwamabbuku aalibonya mbuli kuti abandika twaambo toonse ikubikkilizya akakulela bana, sena kuli nomwakayeeyede kujatikizya kaambo ncocikatazya kapati mazuba aano kukomezya bana munzila mbotu? [Amulindile bwiinguzi.] Cibalo eeci cilatondezya bbuku eeli ilyagwasya kuzwa kaindi—Bbaibbele mbolikonzya kugwasya bazyali kuzwidilila kwiinda mukulibelesya mukulela bana.” Amubale Deuteronomo 6:6, 7. Amubatondezye cibalo citalikila apeeji 13.
Sinsimuka! July–Sept.
“Mbokunga Bbaibbele litukulwaizya kutazwangana kwiinda mukuba basiluumuno lyoonse, ino ncinzi muntu ncakonzya kucita ikuti walwanwa acigwebenga cijisi ntobolo? [Amulindile bwiinguzi. Mpoonya amubale Luka 6:29.] Cibalo eeci cilapandulula ncotweelede kucita kutegwa tulikwabilile kuntenda. Alimwi cilatondezya mbocikonzya kugwasya ikukwabilila buumi muciindi cakukwabilila zyintu zyakumubili ikuti naa twalwanwa.” Amubatondezye cibalo citalikila apeeji 10.
Ngazi Yamulindizi July–Sept.
“Ciindi notwabona kuti muyandwa wesu waciswa cakuti talangilwi kupona, ncilengwa buya kutyompwa. Sena muyeeya kuti kuli ncotukonzya kucita kutegwa tube bantu baumbulizya alimwi bagwasya muciindi eeci camapenzi? [Amulindile bwiinguzi. Mpoonya amubale Tusimpi 17:17.] Cibalo eeci cilapandulula ncotweelede kuzyiba kujatikizya mbotukonzya kukkazyika moyo, ncotunga twaamba alimwi ancotuteelede kwaamba.” Amubatondezye cibalo citalikila apeeji 23.
Sinsimuka! July–Sept.
“Sena muyeeya kuti ambweni lino tupona kuciindi caambwa waawa? [Amubale 2 Timoteo 3:1-4. Mpoonya amulindile bwiinguzi.] Cili kabotu kubikkila kapati maanu kumazuba aakumamanino nkaambo zicitika zitondezya kuti kuli zyintu zibotu ziyoocitika kujatikizya nyika. Magazini eeyi mboipandulula oobo.” Amubatondezye zibalo zitobelana izitalikila apeeji 19.