Zyakwaamba Kujatikizya Mamagazini

Ngazi Yamulindizi October–December

“Bunji bwandiswe zimwi ziindi cilatukatazya kuzyiba nzyotweelede kwaamba notuswaya beenzuma bacisidwe kapati. Ino muyeeya kuti ncinzi ncotweelede kucita? [Amulindile bwiinguzi. Mpoonya amubale Matayo 7:12.] Cibalo eeci citondezya nzila nzyotukonzya kubelesya ziyeeme anjiisyo zyamu Bbaibbele zitondezya nzyotweelede kucita anzyotuteelede kucita notugwasya bacisidwe.” Amutondezye cibalo citalikila apeeji 10.

Sinsimuka! October–December

“Mazuba aano notujisi mapenzi aamali, kuli nzila zinji nzyobaamba kuti inga zyatugwasya kubelesya kabotu mali. Sena muyeeya kuti kutobela njiisyo zyamu Bbaibbele kulakonzya kutugwasya kuubya-ubya bukkale bwesu? [Amulindile bwiinguzi.] Amubone tupango ootu twamu Bbaibbele mbotukankaizya ncokuyandika kulibambilila limwi. [Amubale Luka 14:28, 29.] Magazini eeyi itondezya mbomukonzya kugwasyigwa kuti mwatobela njiisyo ‘yakubona mali aayandika’ kwiinda mukulemba mulongo wazyintu ziyandika kweelana amali ngomujisi.”

Ngazi Yamulindizi October–December

“Kanji-kanji balongwe alimwi abamukwasyi tabazyi mbobakonzya kuumbulizya bakafwidwa kutegwa baliyumye mubuumba bwabo. Sena muyeeya kuti kuli cikonzya kubagwasyilizya kutegwa kulendelelwa kwabo kuceye-ceye? [Amulindile bwiinguzi. Mpoonya amubale Tusimpi 17:17.] Cibalo eeci citondezya mbotukonzya kubelesya bupampu katutana bweza ntaamu kutegwa tugwasyilizye bakafwidwa mbobakonzya kuliyumya kupenzi ndyobajisi.”

Sinsimuka! October–December

“Bakubusi banji cilabakatazya kumvwana abana bokwabo. Inga baide kulwana lyoonse. Ino muyeeya kuti inga ncinzi cilubide? [Amulindile bwiinguzi.] Ibbaibbele lilatondezya nzila mbotu yakubelesya kutegwa penzi eeli litakomeni. [Amubale Tusimpi 19:11.] Magazini eeyi ilatondezya mbomukonzya kutuzyiba twaambo tupa kuti kabazwangana alimwi ambomukonzya kulimana penzi eeli.”