Citondezyo Cacikozyanyo

Kutalisya Ziiyo zya Bbaibbele Mubuzuba bwa Mujibelo Bwakusaanguna mu December

“Bantu bazulilwa kuzikombelo zisiyene-siyene alimwi bakomba Leza munzila zinji ziindene-indene. Ino muyeeya kuti Leza ulimvwa buti kujatikizya makani aaya? [Amulindile bwiinguzi.] Amubone Jesu ncaakayiisya kujatikizya makani aaya.” Amumutambike mukamwini ŋanda Ngazi Yamulindizi ya October–December akulanga-langa antoomwe twaambo tuli ansi aakatwe kakusaanguna kali apeeji 16 alimwi alugwalo lomwe lutazubulwidwe. Amwaabile mamagazini, mpoonya amupange bubambe bwakupilukila kutegwa mukabandike mubuzyo uutobela.

Ngazi Yamulindizi October–December

“Sena bana beelede kuyiisyigwa kujatikizya Leza nobacili baniini, naa kulindila kusikila ciindi baakukomena akutalika kulisalila nzyobasyoma mumakani aabukombi? [Amulindile bwiinguzi.] Amubone Bbaibbele ncolilailila bamausyi bana kucita. [Amubale Baefeso 6:4.] Magazini eeyi ilapa nzila zigwasya nzyobakonzya kubelesya bazyali kuyiisya bana babo kujatikizya Leza.”

Sinsimuka! October–December

“Tuli mumulimo wabuleya wakugwasya mikwasyi. Ino muyeeya kuti mbuyumuyumu nzi bupati bazyali mbobajana mazuba aano nobakomezya bana babo? [Amulindile bwiinguzi.] Bazyali banji basyoma lulayo lwamu Bbaibbele. Mucikozyanyo, majwi aaya aabusongo alagwasya ciindi nobalaya bana. [Amubale Baefeso 4:31.] Magazini eeyi ilatondezya lulayo lwamu Bbaibbele mbolukonzya kugwasya bazyali muziimo ziindene-indene zyakukomena kwabana babo, kuzwa kubuvwanda kusikila kubukubusi.”