Zitondezyo Zyacikozyanyo

Kutalisya Ziiyo zya Bbaibbele Mubuzuba bwa Mujibelo Bwakusaanguna mu December

Ibbaibbele lilaamba kujatikizya Buzuba Bwalubeta. Bantu banji bajisi mizeezo iindene-indene kujatikizya Buzuba Bwalubeta, iciyoocitika alimwi abayoobetekwa. Ino muyeeya buti kujatikizya Buzuba Bwalubeta? [Amulindile bwiinguzi. Mpoonya mubale Johane 5:28, 29] Magazini eeyi ilapandulula ciyoozuzikizyigwa mu Buzuba Bwalubeta, bulamfwu bwaciindi calubeta alimwi abayoobetekwa.

Ngazi Yamulindizi October–December

Ndilomba kuti mundaambile mbomuyeeya kujatikizya Lugwalo oolu. [Amubale Ciyubunuzyo 5:10.] Kweelana akapango aaka, ino muyeeya kuti aabo baunka kujulu bajisi mulimo nzi? [Amulindile bwiinguzi.] Cibalo citalikila apeeji 21 cijisi twaambo tukondelezya kujatikizya makani aaya. Alimwi cilabandika ciyootucitikila toonse alimwi akuti naa bantu boonse bacita zibotu bayoounka kujulu.

Sinsimuka! October–December

“Ikuti naa kamukonzya kucinca cintu cimwi kujatikizya nyika yesu, ino ncinzi ncomunga mwacinca? [Amulindile bwiinguzi.] Ibbaibbele lilatondezya kaambo bantu ncobatakonzyi kucita zyoonse nzyobayanda. [Amubale Jeremiya 10:23. Amujalule magazini apeeji 19 a 20.] Magazini eeyi ilapandulula zyintu nzyayanda kuyoocinca Leza.”