Zitondezyo Zyacikozyanyo

Kutalisya Ziiyo zya Bbaibbele Mubuzuba bwa Mujibelo Bwakusaanguna mu December

“Tuyabuswaya mikwasyi kucita mulimo uugwasya banamaleya. Bazyali banji bayanda kuti bana babo kabamuyanda Leza. Sena muyeeya kuti eeci ncintu bazyali ncobakonzya kuyiisya bana babo, naa bana beelede kuliyiisya balikke kuyanda Leza?” Amulindile bwiinguzi. Amubatondezye Ngazi Yamulindizi yamu December 1 nkoili kunze, mpoonya mubandike ambabo makani aajatikizya mubuzyo wakusaanguna alimwi akubala lugwalo lomwe akati kamagwalo aabikkidwe. Amubaabile mamagazini, alimwi akupangana kuti mukapilukile kuzoolanga-langa mubuzyo uutobela.

Ngazi Yamulindizi December 1

“Tuyabuswaya kwakaindi kasyoonto kubandika kujatikizya Leza. Tulizyi kuti muntu umwi aumwi kuli mbwayeeya kujatikizya Leza. Sena muyeeya kuti bantu banji bamubona kuti ninguzu buyo zitali muciimo camuntu naa mulongwe uubabikkila maano? [Amulindile bwiinguzi.] Kapango aaka kamu Bbaibbele kalatwaambila cilongwe ncayanda Leza kuti tube acalo anguwe. [Amubale Jakobo 4:8a.] Magazini eeyi ilaamba zintu zyotatwe nzyotukonzya kucita kutegwa tulimvwe kuba acilongwe a Leza.”

Sinsimuka! December

“Tuyabuswaya kwakaindi kasyoonto kubandika kujatikizya bulwazi bwaduma kapati. Kweelana ambunga ya World Health Organization, muntu omwe akati kabantu bone aciindi cimwi mubuumi uyoociswa bulwazi bwakunyongana mizeezo, mbuli kutyompwa. Sena muyeeya kuti malwazi aakunyongana mizeezo ayaabuduma kapati? [Amulindile bwiinguzi.] Ibbaibbele lilatupa bulangizi bwakuti kumbele, bantu aano anyika bunoopona buumi bunyina malwazi alimwi akucisa. [Amubale Ciyubunuzyo 21:3, 4.] Magazini eeyi ilaamba zintu zisyoonto muntu umwi aumwi nzyayelede kuzyiba kujatikizya malwazi aakunyongana mizeezo.”